India-Oman Trade Agreement : இந்தியா ஓமானுடன் வர்த்தக ஒப்பந்தத்தில் கையெழுத்திட உள்ளது

வளைகுடா நாடுகளுடனான உறவுகளை மேம்படுத்துவதற்கான இந்தியாவின் முயற்சிகளின் ஒரு பகுதியாக மேற்கு ஆசிய நாட்டுடனான வர்த்தக ஒப்பந்தம் (India-Oman Trade Agreement) உள்ளது.

• இந்தியா மற்றும் ஓமன் இடையே பேச்சுவார்த்தை நவம்பர் மாதம் தொடங்கியது. இதுவரை குறைந்தது நான்கு சுற்று பேச்சுவார்த்தைகள் நடந்துள்ளன.
• பெரும்பாலான அத்தியாயங்களின் உரை குறித்த பேச்சுவார்த்தைகள் ஆனது ஜனவரி மாதத்திற்குள் இந்தியா மற்றும் ஓமானால் முடிக்கப்பட்டன.
• இரு தரப்பு அதிகாரிகளும் ஏற்கனவே முன்மொழியப்பட்ட தடையற்ற வர்த்தக ஒப்பந்தத்தின் (FTA) உரையை சட்டப்பூர்வமாக சரிபார்க்கும் ஆய்வை தொடங்கியுள்ளனர்.
• இந்தியாவும் ஐக்கிய அரபு எமிரேட்ஸும் இரண்டு ஆண்டுகளுக்கு முன்பு ஒரு விரிவான FTA ஒப்பந்தத்தில் கையெழுத்திட்ட நிலையில், GCC உடனான அதிகாரப்பூர்வ பேச்சுவார்த்தைகள் தொடங்குவதற்கு காத்திருக்கிறது.
• இந்தியா கடந்த மூன்று ஆண்டுகளில், மொரிஷியஸ், ஐக்கிய அரபு எமிரேட்ஸ் மற்றும் ஆஸ்திரேலியாவுடன் சுதந்திர வர்த்தக ஒப்பந்தத்தில் கையெழுத்திட்டுள்ளது.

விரிவான பொருளாதார கூட்டாண்மை ஒப்பந்தத்தில் உள்ள பெரும்பாலான விஷயங்களில் இரு தரப்பினரும் ஒருமித்த கருத்தை எட்டியுள்ளனர், பேச்சுவார்த்தைகள் விரைவில் முடிவடையும் வாய்ப்பு உள்ளது. இப்போது எந்த நேரத்திலும் MCC அறிவிக்கப்படலாம். விவசாய பொருட்கள், ரத்தினங்கள் மற்றும் நகைகள், தோல், ஆட்டோமொபைல்கள், மருத்துவ சாதனங்கள், பொறியியல் பொருட்கள் மற்றும் ஜவுளிகள் உட்பட ஆண்டுக்கு 3 பில்லியன் டாலர் மதிப்புள்ள இந்திய ஏற்றுமதிகள் மீதான வரிகளை நீக்குவதற்கு ஓமன் ஒப்புக்கொண்டுள்ளதாக (India-Oman Trade Agreement) அதிகாரிகள் தெரிவித்தனர். இந்தியா ஆனது ஓமானில் இருந்து சில பெட்ரோ கெமிக்கல்கள், அலுமினியம் மற்றும் தாமிரம் ஆகியவற்றின் மீதான வரிகளை குறைக்க ஒப்புக்கொண்டது. அதே நேரத்தில் அத்தகைய பொருட்களின் இறக்குமதியை கட்டுப்படுத்துகிறது. ஓமன் இந்தியாவிற்கு முக்கியமானது. 2022-23ல் இருவழி வர்த்தகம் 12.38 பில்லியன் டாலராக இருந்தது என இந்திய வர்த்தக அமைச்சகம் தெரிவித்துள்ளது.