India vs Bangladesh : ஆசிய கோப்பை வங்கதேசத்தை வீழ்த்தி இறுதிப்போட்டிக்குள் நுழைந்தது இந்தியா

இந்நிலையில் டாஸ் வென்ற வங்கதேச அணியின் கேப்டன் ஜேக்கர் அலி பவுலிங்கை தேர்வு செய்தார். இதைத்தொடர்ந்து இந்திய அணி தரப்பில் தொடக்க வீரர்களாக அபிஷேக் சர்மா மற்றும் சுப்மன் கில் ஜோடி களமிறங்கினர். இருவரும் அணிக்கு சிறப்பான தொடக்கம் கொடுத்த நிலையில் சுப்மன் கில் 29 ரன்னில் வெளியேறினார். அவரைத் தொடர்ந்து களத்திற்கு வந்த ஷிவம் துபே 2 ரன்னுக்கு அவுட் ஆகி அதிர்ச்சி கொடுத்தார். எனினும் தொடக்கம் முதல் களத்தில் சிறப்பாக ஆட்டத்தை வெளிப்படுத்திய அபிஷேக் சர்மா 37 பந்துகளில் 6 பவுண்டரிகள், 5 சிக்ஸர்களுடன் 75 ரன்களுடன் வெளியேறினார். பிறகு களமிறங்கிய கேப்டன் சூரியகுமார் யாதவ் 5 ரன்னில் வெளியேறியதுடன், அவரை தொடர்ந்து வந்த திலக் வர்மாவும் 5 ரன்னில் அவுட் ஆனார். இருப்பினும் சிறப்பாக ஆடிய ஹர்திக் பாண்டியா 38 ரன்கள் எடுத்த நிலையில் போட்டியின் கடைசி பந்தில் ஆட்டமிழந்தார். நிர்ணயிக்கப்பட்ட 20 ஓவர்கள் முடிவில் இந்திய அணி 6 விக்கெட் இழப்புக்கு 168 ரன்கள் எடுத்து, வங்கதேச அணிக்கு 169 ரன்கள் வெற்றி இலக்காக நிர்ணயித்தது.