India Vs Sri Lanka Asia Cup : ஆசிய கோப்பை.. சூப்பர் ஓவரில் இலங்கையை வீழ்த்தி இந்தியா த்ரில் வெற்றி..!

நேற்று துபாயில் நடைபெற்ற சூப்பர் 4 சுற்றின் கடைசி போட்டியில் டாஸ் வென்ற இலங்கை அணி முதலில் பந்து வீச முடிவு செய்தது. அதன்படி இந்திய அணியில் தொடக்க வீரராக களமிறங்கிய அபிஷேக் சர்மா அதிரடியாக விளையாடி 22 பந்தில் அரைசதமடித்து அசத்தினார். பிறகு களத்திற்கு வந்த சஞ்சு சாம்சன் 39 ரன்களும், திலக் வர்மா 49 ரன்களும் அடிக்க இந்திய அணி நிர்ணயிக்கப்பட்ட 20 ஓவர் முடிவில் 202 ரன்கள் சேர்த்தது.

203 ரன்கள் எடுத்தால் வெற்றி என்ற இமாலய இலக்குடன் களமிறங்கிய இலங்கை அணியில் தொடக்க வீரராக களமிறங்கிய பதும் நிசாங்கா இந்தியாவிற்கு பதிலடி கொடுக்கும் வகையில் சிறப்பான ஆட்டத்தை வெளிப்படுத்தினார். அவர் 58 பந்துகளில் 7 பவுண்டரிகள் 6 சிக்சர்களுடன் 107 ரன்கள் அடித்து அசத்தினார். கடைசி பந்தில் வெற்றிக்கு 3 ரன்கள் தேவை என்ற நிலையில், தசுன் ஷனகா அடித்த பந்து லாங்க் ஆன் பீல்டரிடம் சென்றது. ஆனால் ஃபீல்டர் அந்த பந்தை மிஸ் செய்ததை கவனிக்காத தசுன் ஷனகா 2 ரன்கள் எடுத்தார். இந்நிலையில் (India Vs Sri Lanka Asia Cup) இலங்கை அணியும் 202 ரன்கள் அடிக்க போட்டி சமன்செய்யப்பட்டு முடிவு சூப்பர் ஓவரை நோக்கி சென்றது.