India Won 9th Asia Cup : ஆசியக் கோப்பை.. பாகிஸ்தானை வீழ்த்தி இந்தியா 9வது முறையாக சாம்பியன்.!

இந்திய நேரப்படி இரவு 8 மணிக்கு துபாய் சர்வதேச மைதானத்தில் நடைபெற்ற இந்தப் போட்டியில் டாஸ் வென்ற இந்திய அணி கேப்டன் சூர்யகுமார் யாதவ் முதலில் பந்து வீச்சை தேர்வு செய்தார். இதனை தொடர்ந்து பாகிஸ்தான் அணியில் தொடக்க வீரர்களாக சாஹிப்ஸாதா ஃபர்ஹான் மற்றும் பஹர் ஸமான் களமிறங்கினர். இருவரும் பாகிஸ்தான் அணிக்கு சிறப்பான (India Won 9th Asia Cup) அடித்தளத்தை அமைத்து கொடுத்த நிலையில், ஆட்டத்தின் 10வது ஒவரில் வருண் சக்கரவர்த்தி வீசிய முதல் பந்தில் சாஹிப்ஸாதா ஃபர்ஹான் 38 பந்துகளில் 57 ரன்கள் எடுத்து வெளியேறினார். அதன் பிறகு களமிறங்கிய பாகிஸ்தான் வீரர்களால் இந்திய பந்து வீச்சை சமாளிக்கமுடியாமல் தொடர்ச்சியாக வெளியேறினர். தொடர்ந்து சயிம் அயூப் 14, பஹீம் அஷ்ரப் 0, முகமது ஹாரிஸ் 0, ஸமான் 46, ஹுசைன் தலாத் 1, கேப்டன் சல்மான் அலி ஆகா 8, ஷாஹீன் ஷா அப்ரிடி 0, ஹாரிஸ் ரவூஃப் 6, முகமது நவாஸ் 6 ரன் என பாகிஸ்தான் வீரர்கள் சொற்ப ரன்னில் அடுத்தடுத்து வெளியேறிய நிலையில் 19.1 ஓவர்களில் 146 ரன்களுக்கு பாகிஸ்தான் அணி ஆல் அவுட் ஆனது. இந்திய அணி தரப்பில் அதிகபட்சமாக குல்தீப் யாதவ் 4, வருண் சக்ரவர்த்தி 2, அக்சர் படேல் 2, பும்ரா 2 விக்கெட் கைப்பற்றினர்.