Indian 2 Movie Review : இந்தியன் 2 திரைப்படத்தின் திரை விமர்சனம்

28 ஆண்டுகளுக்கு முன்பு வெளியான இந்தியன் படத்தின் இரண்டாம் பாகமாக இந்தியன் 2 திரைப்படத்தை ஷங்கர் இயக்கியுள்ளார். பிக்பாஸ் முதல் சீசனின் போது அறிவிக்கப்பட்ட இந்தப் படம், 7 சீசன்களும் முடிந்த நிலையில், ஒரு வழியாக பல போராட்டங்களை தாண்டி கடைசி நேரத்தில் வர்மக் கலை ஆசான் தொடுத்த வழக்கையும் தாண்டி இப்படம் இன்று வெளியாகி உள்ளது. இப்படத்தில் ரகுல் பிரீத் சிங், சித்தார்த், எஸ்.ஜே.சூர்யா, காஜல் அகர்வால், விவேக், பிரியா பவானி சங்கர் மற்றும் பலர் நடித்துள்ளனர். அனிருத் இசையமைத்துள்ளார்.

இந்த படத்தை லைகா புரொடக்‌ஷன்ஸ் நிறுவனம் தயாரித்துள்ளது. பெரும் எதிர்பார்ப்புகளுக்கு மத்தியில் வெளியாகி இருக்கும் இந்தியன் 2 படத்தின் ரசிகர்கள் தங்களது விமர்சனங்களை சமூக வலைதளங்களில் பதிவிட்டு வருகின்றனர். விக்ரம் படத்தை திரையரங்குகளில் கொண்டாடிய கமல்ஹாசன் ரசிகர்கள் இந்தியன் 2-வை கொண்டாடாமல் இருப்பார்களா? ‘தாத்தா வராரு கதற விடப் போறாரு’ என வெளி மாநிலங்களிலும், வெளிநாடுகளிலும் டிஜே போட்டு படத்தை கொண்டாடி வருகிறார்கள். இந்நிலையில் இந்த படத்தின் சிறப்பம்சங்கள் மற்றும் குறைகள் குறித்து ரசிகர்கள் என்ன சொல்கிறார்கள் என்று பார்ப்போம்.