Indian 2 Trailer Release Date : இந்தியன் 2 திரைப்படத்தின் ட்ரெய்லர் ரிலீஸ் தேதி அறிவிப்பு

கமல்ஹாசன் நடிப்பில் உருவாகி இருக்கும் இந்தியன் 2 திரைப்படத்தின் ட்ரெய்லர் ரிலீஸ் தேதியை (Indian 2 Trailer Release Date) படக்குழு அறிவித்துள்ளது. கமல்ஹாசன் நடிப்பில் உருவாகியுள்ள திரைப்படம் இந்தியன் இரண்டாம் பாகம். பிரம்மாண்ட இயக்கத்திற்கு பெயர் போன இயக்குனர் ஷங்கர் இந்த படத்தை இயக்கியுள்ளார். இப்படத்தின் படப்பிடிப்பு முடிவடைந்து பின்னணி வேலைகள் விறுவிறுப்பாக நடந்து வருகிறது. இப்படத்தில் கமலுடன் ரகுல் ப்ரீத் சிங், பிரியா பவானி சங்கர், சித்தார்த், விவேக், மனோபாலா, பாபி சிம்ஹா, எஸ்.ஜே.சூர்யா, சமுத்திரக்கனி ஆகியோர் முக்கிய வேடங்களில் நடிக்கின்றனர். படத்திற்கு அனிருத் இசையமைத்துள்ளார். ரெட் ஜெயண்ட் நிறுவனமும், லைகா நிறுவனமும் இணைந்து படத்தைத் தயாரித்துள்ளன. சமீபத்தில் இப்படத்தின் இசை வெளியீட்டு விழா சென்னையில் பிரம்மாண்டமாக நடைபெற்றது. இதில் பல நட்சத்திரங்களும் கலந்து கொண்டனர். இந்தியன் 2 படத்தின் மீதான எதிர்பார்ப்பு ரசிகர்களிடையே நாளுக்கு நாள் அதிகரித்து வருகிறது. அதன்படி ஒவ்வொரு நாளும் படக்குழு பல்வேறு அப்டேட்களை வெளியிட்டு வருகிறது.