Indian Cinema Age: 110 வது வயதில் அடியெடுத்து வைக்கும் இந்திய சினிமா

ராஜா ஹரிச்சந்திரா படத்தை முதன்முதலில் வெள்ளைத் திரையில் பார்க்கும் போது நாடகங்களை மட்டுமே பார்த்துப் பழகிக் கொண்டிருந்த இந்திய மக்களின் மனநிலை என்ன? அளவிட முடியாத ஆச்சரியங்கள் நிறைந்ததாக இருக்கலாம். இன்டர்நெட், செல்போன், மல்டிபிளக்ஸ் தியேட்டர்கள், நவீன சவுண்ட் சிஸ்டம் என அறிவியலின் உச்சகட்ட இன்பங்களை நாம் அனைவரும் அனுபவித்துக்கொண்டிருக்கிறோம் அதையெல்லாம் மறந்துவிட்டு 1913-ல் மக்களின் மனநிலை எப்படி இருந்திருக்கும் என்று சிந்திப்போம். முதல் படத்தை திரையில் பார்த்த அனுபவம் அவர்களுக்கு நம்பமுடியாத ஆச்சரியமாகும். திரையில் நடிக்கும் நடிகர்களைப் பார்த்தாலே, ஓடும் காட்சியில் திரையைக் கிழித்து நம் மேல் விழுந்துவிடுவார்களோ என்று அஞ்சியிருப்பார்கள்.

படத்தில் தீ தொடர்பான காட்சிகள் இருந்தால் பயத்துடனும் அதிர்ச்சியுடனும் பார்த்திருப்பார்கள். வீடியோவிற்கான தனி ரீல் பெட்டிகள் மற்றும் ஒலிக்கான தனி அம்ப்ளிஃலிபயர் என்று அனைத்துமே வித்யாசமாகதானே தெரிந்திருக்கும். இன்றைய தலைமுறை பார்த்திராத சினிமாவின் அறிமுகம் அது.