Indian Rupee Flat Against The US Dollar : டாலருக்கு நிகரான இந்திய ரூபாய் மதிப்பு 83.29 ஆக முடிந்தது

Indian Rupee Flat Against The US Dollar : RBI தனது கையிருப்பில் இருந்து அமெரிக்க டாலர்களை விடுவிப்பதன் மூலம் ரூபாயின் ஏற்ற இறக்கத்தை கட்டுக்குள் வைத்திருப்பதில் வெற்றி  பெருகிறது. இருந்த போதும், இந்தியாவின் அந்நியச் செலாவணியில் தொடர்ச்சியான சரிவு ஆனது ஏற்பட்டுள்ளதால், இந்த முயற்சியை ஒரு கட்டத்திற்கு மேல் தொடர முடியாது. அக்டோபர் மாதத்தில் இருந்து RBI ஆனது அமெரிக்க டாலருக்கு நிகரான ரூபாய் மதிப்பு 83.29க்கு கீழே சரிவதை தடுக்க அந்நிய செலாவணி சந்தையில் தொடர்ந்து தலையிட்டு வருகிறது.

ரூபாயின் மதிப்பு வரலாறு காணாத சரிவைத் தடுக்க RBI ஆனது தொடர்ந்து டாலரை விற்பனை செய்யும் என டீலர்கள் எதிர்பார்க்கின்றனர். டாலர் விற்பனையின் மூலம் RBI-ன் நிலையான ஆதரவு ஆனது இந்திய நாணயத்தின் வரலாறு காணாத வீழ்ச்சியைத் தடுக்கிறது. RBI அக்டோபர் 27 அன்று வெளியிடப்பட்ட தரவுகளின்படி (Data), அக்டோபர் 20 ஆம் தேதியுடன் முடிவடைந்த வாரத்தில் இந்தியாவின் அந்நியச் செலாவணி கையிருப்பு $2.36 பில்லியன் குறைந்து $583.53 பில்லியனாக உள்ளது.

முந்தைய வாரத்தில் இந்திய நாட்டின் அந்நியச் செலாவணி கையிருப்பு $1.15 பில்லியன் அதிகரித்துள்ளது. முந்தைய ஐந்து வாரங்களில் ஏற்பட்ட தொடர்ச்சியான சரிவை இது மாற்றியமைத்தது. அக்டோபர் 6ஆம் தேதியுடன் முடிவடைந்த வாரத்தில் நாட்டின் அந்நியச் செலாவணி கையிருப்பு 14.166 பில்லியன் டாலர்கள் குறைந்து ஐந்து மாதங்களில் இல்லாத அளவு 584.74 பில்லியன் டாலராக இருந்தது. புதிய சரிவால் அந்நிய செலாவணி கையிருப்பு மேலும் சரிந்துள்ளது. ரூபாயின் மதிப்பு வரலாறு காணாத சரிவைத் தடுக்க ரிசர்வ் வங்கி தொடர்ந்து டாலரை விற்பனை செய்யும் என டீலர்கள் எதிர்பார்க்கின்றனர். மத்திய வங்கி விகிதங்களை மாற்றாமல் வைத்திருக்கும் என்று பரவலாக எதிர்பார்க்கப்படுகிறது.