India's First National Space Day : இன்று இந்தியாவின் முதல் தேசிய விண்வெளி தினம் கொண்டாடப்படுகிறது

கடந்த 2023-ம் ஆண்டு ஜூலை மாதம் 14-ம் தேதி இஸ்ரோ Indian Space Research Organisation (ISRO) நிலவிற்கு சந்திரயான் 3 என்ற விண்கலத்தை அனுப்பியது. இந்த விண்கலம் தொடர்ந்து 40 நாட்கள் விண்வெளியில் பயணித்து சரியாக ஆகஸ்ட் 23 அன்று நிலவின் தென்துருவபகுதியில் விக்ரம் லேண்டர் பத்திரமாக தரையிறங்கி சாதனை படைத்தது. மேலும் நிலவில் வெற்றிகரமாக தரையிறங்கிய அமெரிக்கா, ரஷ்யா மற்றும் சீனாவிற்கு பிறகு 4-வது நாடு என்ற பெருமையும் பெற்றது. உலகில் இதுவரை எந்த ஒரு நாடும் நிலவின் தென் துருவத்தில் விண்கலனை தரையிறக்கியது இல்லை. ஆனால் இந்தியா தென்துருவத்தில் தரையிறக்கி சாதனை படைத்தது. இந்தியாவின் இந்த உலக சாதனையை கொண்டாடும் விதமாக பாரத பிரதமர் திரு.நரேந்திர மோடி அவர்கள் ஆகஸ்ட் 23 ஆம் தேதியை ‘தேசிய விண்வெளி தினமாக’ (National Space Day) அறிவித்தார்.