Interesting Facts About Nilgiri Tahr : நீலகிரி வரையாடு பற்றிய சில சுவாரசியமான தகவல்

இந்த வரையாடு ஆட்டினத்தைச் சேர்ந்தது. உலகில் வேறு எங்கும் காணப்படாத நீலகிரி வரையாடு இந்தியாவில் (Interesting Facts About Nilgiri Tahr) மட்டுமே வாழ்கிறது. இந்த ஆடுகள் மேற்கு தொடர்ச்சி மலையில் குறிப்பாக தமிழகம் மற்றும் கேரளாவில் உள்ள மலைகளில் காணப்படுகின்றன. இவை தமிழ்நாட்டின் நீலகிரிப் பகுதியில் அதிக அளவில் காணப்பட்டாலும், சிறுவாணி மலை, பழனி மலை, வில்லிபுத்தூர், தேனி, திருநெல்வேலி மலைப் பகுதிகளிலும் இவை காணப்படுகின்றன. கேரளாவில் ‘ஹை ரேஞ்ச்’ எனப்படும் மூணாறு மலைப் பகுதியில் குறிப்பாக எரவிக்குளம் தேசிய பூங்காவில் இவை அதிக அளவில் காணப்படுகின்றன.

இத்தகைய உயரங்களில் பெரும்பாலும் சோலைக் காடுகள் மற்றும் புல்வெளிகள் உள்ளன. எனவே அவர்களின் உணவில் சுமார் 65 சதவீதம் புற்களைக் கொண்டுள்ளது. தேயிலை மற்றும் காபி போன்ற பணப்பயிர்களின் சாகுபடி, ஒற்றைப்பயிர் விவசாயம், மனிதனால் உருவாக்கப்பட்ட காட்டுத் தீ, மற்றும் காலநிலை மாற்றம் போன்றவற்றால் சோலை காடுகள் மற்றும் புல்வெளிகள் அழிக்கப்படுகின்றன. இவையே இந்த வரையாடுகளின் எண்ணிக்கை குறைவதற்கு (Interesting Facts About Nilgiri Tahr) முக்கிய காரணமாக இருக்கிறது. மேலும் நீலகிரி வரையாடுகள் வேட்டையாடுதல் மற்றும் முறையற்ற சுற்றுலா போன்றவற்றால் அழியும் நிலையில் உள்ளன.

இந்தியாவில் நீலகிரி வரையாடுகளை ஆய்வு செய்த ஷேலர் தனது அனுபவங்களை ‘ஸ்டோன்ஸ் ஆஃப் சைலன்ஸ்’ என்ற நூலில் பதிவு செய்துள்ளார். அந்த நூலில் அவர் வரையாடுகளை மேகம் போல் அலையும் ஆடுகள் என்று (Interesting Facts About Nilgiri Tahr) தெரிவித்துள்ளார். காரணம் மலை உச்சியில் இந்த ஆடுகள் மேகம் போல் மனிதக் கண்ணுக்குப் புலப்படாத ஒரு இடத்திலிருந்து இன்னொரு இடத்திற்குச் செல்கின்றன. இன்று நீலகிரி ஆடுகள் மேகம் போல் மறைந்துவிடும் அபாயம் ஏற்பட்டுள்ளது. நாளை வரப்போகும் நம் சந்ததியினரின் எதிர்காலம் மாநில விலங்கை புகைப்படங்களில் மட்டுமே காணும் அவலம் ஏற்படும் நிலையில் உள்ளது.