Jadeja Is Ranked 1152 In The ICC Rankings : சர்வதேச டெஸ்ட் கிரிக்கெட் தரவரிசையில் ஜடேஜா 458 புள்ளிகளுடன் 1152-வது நாளாக முதலிடம் நீடிப்பு

இன்று சர்வதேச கிரிக்கெட் கவுன்சில் (International Cricket Council) வெளியிட்டுள்ள தரவரிசைப் புள்ளி பட்டியலில், ஆல்ரவுண்டர்கள் பிரிவில் இந்திய வீரர் ரவீந்திர ஜடேஜா 458 புள்ளிகளுடன் தொடர்ந்து 1152-வது நாளாக முதலிடம் பிடித்து, வெஸ்ட் இண்டீஸ் அணியின் ஜேசன் ஹோல்டர் படைத்த சாதனையை முறியடித்துள்ளார். மேலும் ரவீந்திர ஜடேஜா கடந்த 2017-ம் ஆண்டு ஆகஸ்ட் மாதம் ஒரு வாரம் மட்டும் உலகின் நம்பர் 1 டெஸ்ட் ஆல்ரவுண்டராக இருந்தார். பிறகு அந்த இடத்திற்கு ஜேசன் ஹோல்டர் வந்தார். அதன் பிறகு 2022-ம் ஆண்டு மார்ச் 9-ம் தேதி மீண்டும் உலகின் நம்பர் 1 டெஸ்ட் ஆல்ரவுண்டராக மாறி முதலிடத்தை அவர் தக்க வைத்து வருகிறார்.

ரவீந்திர ஜடேஜா இந்த 1152 நாட்களில் 23 டெஸ்ட் போட்டிகளில் விளையாடி 36 என்ற பேட்டிங் சராசரியில் 3 சதங்கள் மற்றும் 5 அரை சதங்களுடன் 1175 ரன்கள் குவித்துள்ளார். மேலும் அவர் 91 விக்கெட்டுகளை (Jadeja Is Ranked 1152 In The ICC Rankings) வீழ்த்தியுள்ளார். அடுத்து இங்கிலாந்து அணிக்கு எதிரான டெஸ்ட் தொடரில் ரவீந்திர ஜடேஜா விளையாட உள்ளதால் அவரது தரவரிசைப் புள்ளி மேலும் உயரும் என்ற எதிர்பார்ப்பு உள்ளது. மேலும் ரவீந்திர ஜடேஜாவுக்கு அடுத்த 2-வது இடத்தில் வங்கதேச ஆல்ரவுண்டர் மெஹிதி ஹசன் மிராஸ் உள்ளார்.