Jayalalithaa's AI - "மக்களுக்காக நான்" ஆடியோ கிளிப்பை அதிமுக வெளியிட்டது

ஒருபுறம் கூட்டணி பேச்சுகள் இருக்க, அதிமுக மக்களவைத் தேர்தலை எதிர்கொள்ளும் வகையில் தேர்தல் பரப்புரைகளை அதிமுக ஆனது தொடங்கியுள்ளது. சென்னை ராயப்பேட்டையில் உள்ள அதிமுக தலைமை அலுவலகத்தில் மறைந்த முன்னாள் முதலமைச்சர் ஜெயலலிதாவின் 76வது பிறந்தநாளை ஒட்டி அவரது உருவச் சிலைக்கு மாலை அணிவிக்கும் நிகழ்ச்சி நடைபெற்றது. அதிமுக பொதுச்செயலாளர் எடப்பாடி பழனிசாமி இந்நிகழ்ச்சியில் கலந்து கொண்டு ஜெயலலிதா சிலைக்கு மாலை அணிவித்து மரியாதை செலுத்தினார். அதைத்தொடர்ந்து, மறைந்த முன்னாள் முதலமைச்சர் ஜெயலலிதாவின் குரலில் AI தொழில்நுட்பத்தில் (Jayalalithaa’s AI) உருவாக்கப்பட்டுள்ள ‘மக்களவைத் தேர்தலில் அதிமுகவுக்கு ஆதரவு அளிக்க வேண்டும்’ என்ற ஆடியோ ஆனது வெளியிடப்பட்டது.

ஜெயலலிதாவின் குரலில் AI தொழில்நுட்பத்தில் (Jayalalithaa’s AI) உருவாக்கப்பட்டுள்ள ஆடியோவில், அனைவருக்கும் வணக்கம். உங்கள் ஜெ.ஜெயலலிதா நான் பேசுகிறேன். மக்களுடன் பேசுவதற்கு ஒரு உன்னத வாய்ப்பை வழங்கி இருக்கும் இந்த AI தொழில்நுட்பத்திற்கு எனது நன்றி. நம்முடைய அதிமுக கழகம் எவ்வளவோ ஏற்ற இறக்கங்களைச் சந்தித்திருக்கிறது. நமது அதிமுக ஆட்சியில் பெண்களுக்கு தாலிக்கு தங்கம், மாணவர்களுக்கு 7.5 சதவீத இட ஒதுக்கீடு, மடிக்கணினி, அம்மா உணவகம் என பலப் பல நல்ல திட்டங்கள் நிறைவேற்றப்பட்டுள்ளது. தமிழக மக்கள் இந்தச் சாதனைகளுக்காகவே அ.தி.மு.கவை ஆதரித்தார்கள். தற்போது ஒருபுறம் மத்திய அரசு நம்மை வஞ்சிக்கிறது மற்றும் மாநில அரசோ ஊழலுக்கு வித்திடும் திராணியற்ற ஆட்சியை நடத்தி வருகிறது.

தமிழக நலனுக்கு எதிராக மத்தியில் ஆளும் அரசும் மாநிலத்தில் ஆளும் அரசும் உள்ளனர். இன்று என் பிறந்தநாளில் நான் உங்களிடம் கேட்டுக்கொள்வது, மீண்டும் அதிமுகவின் மக்களாட்சி அமைய வேண்டும். மக்களால் நாம் மற்றும்  மக்களுக்காகவே நாம். எனவே நம் அதிமுக கழகத் தொண்டர்கள் அனைவரும் என் வழி நின்று தலைமை பொறுப்பேற்றிருக்கும் எனது சகோதரர் எடப்பாடி பழனிசாமி அவர்களின் கரத்தை வலுப்படுத்த வேண்டும். அதிமுகவை வருகிற பாராளுமன்ற தேர்தலில் வெற்றி பெறச் செய்ய வேண்டும். மக்களால் நாம் மற்றும்  மக்களுக்காகவே நாம் என ஜெயலலிதா குரலில் வாசகங்கள் இடம்பெற்றுள்ளன.