Kadaisi Ulaga Por Release Date : 'கடைசி உலக போர்' படத்தின் ரிலீஸ் தேதி வெளியீடு

பிரபல இசையமைப்பாளரான ஹிப்ஹாப் ஆதி, தனி ஒருவன், ஆம்பள, வணக்கம் சென்னை, அரண்மனை என பல படங்களுக்கு இசையமைத்ததன் மூலம் ரசிகர்கள் மத்தியில் பிரபலமானார். இந்நிலையில் நடிப்பில் ஆர்வம் உள்ள நிலையில் மீசைய முறுக்கு படத்தின் மூலம் கதாநாயகனாக அறிமுகமானார். அதன் பிறகு நட்பே துணை, வீரன் போன்ற படங்களிலும் நடித்தார். ஹிப் ஹாப் ஆதியின் கடைசிப் படமான பிடி சார் வசூல் ரீதியாகவும், விமர்சன ரீதியாகவும் ரசிகர்களிடையே பெரும் வரவேற்பைப் பெற்றது.

ஹிப் ஹாப் ஆதி அடுத்து என்ன படத்தில் நடிக்கிறார் என்ற எதிர்பார்ப்பு ரசிகர்கள் மத்தியில் இருந்தது. அந்த வகையில் ஆதி கடைசி உலக போர் என்ற படத்தில் நடிக்கிறார். இந்தப் படம் போரைச் சம்மந்தமான கதைக்களத்தை சுற்றி வருகிறது. ஹிப் ஹாப் ஆதி ‘ஹிப் ஹாப் தமிழா’ எண்டர்டெயின்மென்ட் நிறுவனம் மூலம் இந்தப் படத்தைத் தானே தயாரித்து இயக்குவது மட்டுமின்றி, படத்திற்கும் இசையமைக்கிறார். இந்நிலையில் படத்தின் போஸ்டர் வெளியாகி இணையதளத்தில் பரவி வருகிறது.