Kamal Haasan's Sathya Remake : ரீமேக் ஆகும் கமல்ஹாசனின் சத்யா

கமல்ஹாசன் நடிப்பில் 1988ஆம் ஆண்டு வெளியான திரைப்படம் சத்யா. இந்தப் படத்தில் கமலுக்கு ஜோடியாக அமலா நடித்திருந்தார். இவருடன் நாசர், ராஜேஷ் கிட்டி, ஜனகராஜ், வடிவுக்கரசி, நடராஜன், ஆர்.எஸ்.சிவாஜி, கவினர் வாலி, ஆர்.கணேஷ் என பல நடிகர்கள் நடித்துள்ளனர். இந்த படத்தை ரஜினிகாந்த் நடித்த பாட்சா படத்தை இயக்கிய சுரேஷ் கிருஷ்ணா இயக்கியிருந்தார். சத்யா திரைப்படம்1985 ஆம் ஆண்டு ஹிந்தியில் வெளியான அர்ஜுன் படத்தின் ரீமேக் ஆகும். இப்படத்தில் சன்னி தியோல் மற்றும் டிம்பிள் கபாடியா நடித்திருந்தனர். இந்தியில் பெரும் வரவேற்பைப் பெற்ற (Kamal Haasan’s Sathya Remake) இந்தப் படத்தை தமிழில் கமலை வைத்து இயக்குநர் சுரேஷ் கிருஷ்ணா இயக்கினார்.

இப்படம் ஹிந்தியில் வசூலித்ததை விட தமிழில் அதிகம் வசூலித்தது, கமலின் திரையுலக வாழ்க்கையில் மறக்க முடியாத படங்களில் ஒன்றாக அமைந்தது. இந்த படத்தை கமலின் ராஜ் கமல் பிலிம்ஸ் தயாரித்துள்ளது. அநீதியைப் பொறுத்துக் கொள்ளாத சத்தியமூர்த்தி என்ற வேலையற்ற இளைஞனாக கமல் நடித்தார். மேலும், முகத்தில் லேசாக தாடி, முறுக்கு மீசை, வெட்டிய தலை முடி, கழுத்தில் கயிறு, கையில் வளையல் என ஒருவித தோற்றத்தை படத்தில் அறிமுகப்படுத்தினார் கமல்.