Kantara Chapter 1 Trailer : காந்தாரா சாப்டர் 1 படத்தின் ட்ரெய்லர் வெளியாகி வரவேற்பை பெற்று வருகிறது

காந்தாரா படத்தின் கதை ஒரு உண்மை சம்பவத்தை மையப்படுத்தி தான் எடுக்கப்பட்டுள்ளதாக ரிஷப் ஷெட்டி தெரிவித்துள்ளார். கர்நாடக மாநிலத்தில் கெரடி என்ற பழங்குடி கிராமத்தில் வசிக்கும் பழங்குடி இன மக்களுக்கும் – வன அதிகாரிக்கும் இடையில் ஏற்பட்ட பிரச்சனைகள் தான் இந்தப் படத்தில் படமாக்கியுள்ளதாக தெரிவித்தார். மேலும் காந்தாரா படத்தின் மிகப்பெரிய வெற்றிக்கு காரணம் பழங்குடி மக்களின் பூஜையும், கோலா நடனமும் தான். இது ரசிகர்களுக்கு மிகப்பெரிய அனுபவத்தைக் கொடுத்தது.

இந்நிலையில் காந்தாரா படத்தின் அடுத்த பாகம் வெளியாகிறது என்று தகவல் இணையதளத்தில் வெளியானதும் ரசிகர்களுக்கு மிகப்பெரிய எதிர்பார்ப்பு ஏற்பட்டது. அடுத்த பாகத்தின் கதை என்னவாக இருக்கும் என்ற கேள்வி பலருக்கும் எழுந்தது. இதற்கு காரணம் காந்தாரா முதல் பாகத்திலேயே வில்லன் கொல்லப்பட்டுவிட்டார் எனும்போது, இரண்டாவது பாகத்தின் கதை எப்படி நகரும் என்ற கேள்வி இருந்தது. இதற்கு படக்குழுவினர் காந்தாரா இரண்டாவது பாகமாக உருவாக்கவில்லை, படத்தின் ப்ரீக்குவல் கதையை சாப்டர் 1 என்று உருவாக்கி வருகிறோம் என்று சொன்னதும் முன்பை காட்டிலும் படத்தின் மீது எதிர்பார்ப்பு எகிறிவிட்டது.