Kilambakkam New Bus Stand Latest News : கிளாம்பாக்கம் பேருந்து நிலையம் ஆனது முழு வீச்சில் இயங்கும்

வரும் பொங்கல் பண்டிகையை தொடர்ந்து கிளாம்பாக்கம் பேருந்து நிலையம் ஆனது முழு வீச்சில் இயங்க தொடங்கிவிடும் (Kilambakkam New Bus Stand Latest News) என்று தெரிவிக்கப்பட்டுள்ளது. மேற்கு மாவட்டங்களுக்கு செல்லும் மக்கள் கூட இனி கிளாம்பாக்கம் பேருந்து நிலையம் தான் செல்ல வேண்டியுள்ளது. பொங்கல் பண்டிகையையொட்டி சென்னையில் இருந்து தென் மாவட்டங்களுக்கு செல்லும் பயணிகள் கிளாம்பாக்கம் பேருந்து நிலையத்திற்கு அதிகளவில் வருவார்கள்.

எனவே, பொதுமக்கள் எளிதில் செல்லும் வகையில் அனைத்து ஏற்பாடுகளையும் செயல்படுத்த வேண்டும் மற்றும் கிளாம்பாக்கம் பேருந்து நிலையத்தில் குடிநீர் வசதி மற்றும் பேருந்து செல்லும் இடங்கள் குறித்த தகவல்களை தன்னார்வலர்கள் மூலம் செயல்படுத்த வேண்டும் என அதிகாரிகளுக்கு கலெக்டர் ராகுல்நாத் உத்தரவிட்டுள்ளார். 30 தன்னார்வலர்கள் பொங்கல் திருவிழாவையொட்டி கிளாம்பாக்கம் பேருந்து நிலையத்தில் பொதுமக்களுக்கு தகவல் தெரிவிக்க நியமிக்கப்பட்டுள்ளதாக தகவல்கள் தெரிவிக்கின்றன.

பொங்கல் பண்டிகை வரை எஸ்இடிசி அல்லாத விழுப்புரம், கும்பகோணம், சேலம், கோயம்புத்தூர், திருநெல்வேலி, மதுரை ஆகிய 6 போக்குவரத்து கழகங்களின் பேருந்துகள் கோயம்பேட்டில் இருந்து கிளாம்பாக்கம் வந்து அந்தந்த வழித்தடத்தில் இயங்கும். இந்த நிலை பொங்கல் பண்டிகை வரை நீடிக்கும். கிளாம்பாக்கம் பேருந்து நிலையத்தில் இருந்தே அனைத்து பகுதிகளுக்கும் பொங்கல் பண்டிகைக்குப் பிறகு பேருந்துகள் இயக்கப்படும்.