Kottukkaali Release Date : சூரியின் கொட்டுக்காளி படத்தின் ரிலீஸ் தேதி அறிவிப்பு

சூரி கதாநாயகனாக நடித்துள்ள கொட்டுக்காளி திரைப்படம் வரும் ஆகஸ்ட் 23 ஆம் தேதி வெளியாகும் என படக்குழு (Kottukkaali Release Date) அறிவித்துள்ளது. கிராமப்புற பின்னணியில் உருவாகியுள்ள இந்த படத்தில் சூரி வலுவான கதாபாத்திரத்தில் நடித்துள்ளதாக தகவல் வெளியாகியுள்ளது. இந்த படத்தை பிரபல நடிகர் சிவகார்த்திகேயன் தயாரித்துள்ளார். இப்படத்தில் சூரியுடன் நடிகை அன்னா பென், ஜவஹர் சக்தி மற்றும் பலர் முக்கிய வேடங்களில் நடித்துள்ளனர்.

விடுதலை படத்திற்கு பிறகு கனமான கதாபாத்திரங்களை கொண்ட படங்களை தேர்வு செய்து நடித்து வரும் சூரி, கொட்டுக்காளி படத்திலும் மிகவும் கனமான கதாபாத்திரத்தில் நடித்துள்ளார் என படக்குழுவினர் தெரிவித்துள்ளனர். இந்நிலையில் கொட்டுக்காளி படத்தின் மீதான எதிர்பார்ப்பு அதிகரித்துள்ளது. கொட்டுக்காளி படத்தின் மூலம் சூரிக்கு வெற்றி கிடைத்தால் இனிவரும் காலங்களில் அவரைத் தொடர்ந்து கதாநாயகனாகவே திரையில் காணலாம் என எதிர்பார்க்கப்படுகிறது.