Krishna Jayanthi History : கிருஷ்ண ஜெயந்தி வரலாறு

கிருஷ்ணர் வாசு தேவருக்கும் தேவகிக்கும் 8ஆவது குழந்தையாக ஆவணி மாதம், அஷ்டமி திதி, ரோகிணி நட்சத்திர நாளில் பிறந்தார். இந்த மூன்றும் சேர்ந்து ஒரே நாளில் வருவது மிகவும் அபூர்வமான ஒன்று ஆகும். அந்த நாளில் கிருஷ்ணரின் பிறந்தநாளை (Krishna Jayanthi History ) கிருஷ்ண ஜெயந்தி என்று கொண்டாடப்படுகிறது. மேலும் திதியை கணக்கிட்டு அவரது பிறந்தநாள் கொண்டாடப்படுவதை கோகுலாஷ்டமி என்று அழைக்கப்படுகிறது.

வடஇந்தியர்கள் திதியை கணக்கிட்டு கோகுலாஷ்டமி பண்டிகையை சிறப்பாகக் கொண்டாடுகிறார்கள். கிருஷ்ணரின் பிறந்தநாள் அன்று  அவருக்கு விரதமிருக்கிறார்கள்.  கிருஷ்ணர் மீதான அன்பின் காரணமாக பக்திப் பாடல்களைப் பாடியும், இரவு முழுவதும் கண் விழித்திருப்பதன் மூலமும் கொண்டாடுகிறார்கள். சிறு  குழந்தைகளின் கால் தடத்தை வீட்டு வாசலில் இருந்து பூஜை  அறை வாசல் வரை அரிசி மாவால் கோலமிடுவார்கள். இதன் மூலமாக கிருஷ்ணரை வீட்டுக்கு வா என அழைப்பதாக ஐதீகம். 

கிருஷ்ணர் இரவு நேரத்தில் பிறந்தவர் என்பதால்,  கிருஷ்ண ஜெயந்தி பூஜைகள் சூரிய அஸ்தமனத்திற்குப் பிறகு கொண்டாடப்படுகிறது.கிருஷ்ணருக்குப் பிடித்தமான தயிர், வெண்ணெய் போன்ற பால் சார்ந்த பொருட்கள், இனிப்பு சீதை,  வேர்க்கடலை உருண்டை, பழங்கள், மற்றும் வெற்றிலை போன்றவற்றிலிருந்து தயாரிக்கப்படும். உணவுகளை படைத்து தீபம் ஏற்றி வழிபடுகிறார்கள். மாலை 6 மணிக்கு மேல்  விளக்கேற்றி இந்த  பிரசாதத்துடன் பூஜைகள் செய்து பக்தர்கள் தங்கள் விரதத்தை முடிக்கிறார்கள்.