Kudankulam Nuclear Power Plant Agreement : கூடங்குளம் அணுமின் நிலைய தொடர்பான ஒப்பந்தம் கையெழுத்தானது

ரஷ்யா ஆனது பாதுகாப்பு, அணுசக்தி மற்றும் விண்வெளி போன்ற சில துறைகளில் இந்தியாவின் “சிறப்பு கூட்டாளி” என்று வெளியுறவுத்துறை அமைச்சர் ஜெய்சங்கர் விவரிக்கிறார். நிலக்கரி, எரிவாயு, காற்று, சக்தி மற்றும் நீர்மின்சாரத்திற்கு பிறகு அணுசக்தி என்பது இந்தியாவின் ஐந்தாவது பெரிய மின்சார ஆதாரம் ஆகும். இந்தியா ஆனது நவம்பர் 2020 நிலவரப்படி 22 அணு உலைகளைக் கொண்டுள்ளது. அதில் 8 அணுமின் நிலையங்கள் ஆனது  செயல்பாட்டில் உள்ளது. அவை மொத்தம் 7,380 மெகாவாட் நிறுவப்பட்ட திறன் கொண்டவை ஆகும். இந்தியா 2020-21ல், மொத்தம் 43 TWh அணுசக்தி உற்பத்தி செய்தது. இது இந்தியாவின் மொத்த மின் உற்பத்தியில் 3.11% பங்களிக்கிறது (1,382 TWh). இந்தியாவில் தற்போது 8,000 மெகாவாட் உற்பத்தி திறன் கொண்ட மேலும் 10 அணுஉலைகள் கட்டப்பட்டு வருகின்றன.

வெளியுறவுத்துறை அமைச்சர் ஜெய்சங்கர் ரஷ்யாவிற்கு ஐந்து நாள் விஜயம் மேற்கொண்டுள்ள நிலையில் கூடங்குளம் அணுமின் நிலையத்தின் எதிர்கால மின்உற்பத்தி அலகுகளை நிர்மாணிப்பது தொடர்பான சில “மிக முக்கியமான” ஒப்பந்தங்களில் இந்தியாவும் ரஷ்யாவும் கையெழுத்திடும் (Kudankulam Nuclear Power Plant Agreement) நிகழ்வு ஆனது 26/12/2023  செவ்வாய்க்கிழமை நடந்தது. துணைப் பிரதமர் (டெனிஸ்) மந்துரோவ் முன்னிலையில் சில மிக முக்கியமான ஒப்பந்தங்கள் கையெழுத்தானது.

ரஷ்யாவின் தொழில்நுட்ப உதவியுடன் தமிழகத்தில் கூடங்குளம் அணுமின் உற்பத்தி நிலையம் கட்டப்பட்டு வருகிறது. இதன் கட்டுமானம் மார்ச் 2002-இல் தொடங்கியது. கூடங்குளம் அணுமின் உற்பத்தி நிலையத்தின் முதல் மின் அலகு 1,000 மெகாவாட் வடிவமைப்பு திறனில் பிப்ரவரி 2016 முதல் சீராக இயங்கி வருகிறது. இந்த கூடங்குளம் அணுமின் உற்பத்தி நிலையம் ஆனது 2027 இல் முழு திறனுடன் செயல்படத் தொடங்கும் என்று ரஷ்ய அரசு ஊடகம் தெரிவித்துள்ளது. வெளியுறவுத்துறை அமைச்சர் ஜெய்சங்கர் 27/12/2023 புதன்கிழமை செர்ஜி லாவ்ரோவை சந்தித்து இருதரப்பு, பலதரப்பு மற்றும் சர்வதேச விவகாரங்கள் குறித்து விவாதிக்க உள்ளார்.