Kushi Movie Trailer : குஷி படத்தின் டிரைலர் வெளியாகி சமூக வலைத்தளங்களில் நல்ல வரவேற்பு...

இதுவரை வெளியான அனைத்து போஸ்டர்களிலும் சமந்தா பர்தா அணிந்து காணப்பட்டதால், இப்படத்தில் அவர் இஸ்லாமிய பெண்ணாக நடிப்பார் என எதிர்பார்க்கப்பட்டது. ஆனால் அங்குதான் ஒரு ட்விஸ்ட் கொடுத்திருக்கிறார்கள். முதல் சில நிமிடங்களில் மீண்டும் பாம்பே படம் போல தோற்றமளித்த டிரைலர் மெதுவாக அதன் தடத்தை மாற்றுகிறது. பிராமண பெண்ணான சமந்தா, விஜய் தேவரகொண்டாவை காதலிக்கிறார். இருவருமே தங்கள் குடும்பத்தாரின் எதிர்ப்புகளைத் தாண்டி, திருமண வாழ்க்கையில் மகிழ்ச்சியாக வாழ்வோம் என்று சபதம் செய்கிறார்கள். தொடக்கத்தில் எல்லாம் சுமூகமாக நடந்தாலும், நாட்கள் செல்லச் செல்ல அவர்களுக்குள் புதிய பிரச்சனைகள் வரத் தொடங்கும்.

இந்த பிரச்சனைகளை எல்லாம் சமாளித்து தங்கள் குடும்பங்கள் முன்னிலையில் இந்த ஜோடி மகிழ்ச்சியான ஜோடியாக வாழ்வதுதான் படத்தின் கதை. ரொமான்டிக் காமெடியாக உருவாகி வரும் இந்தப் படம், வழக்கமான படங்களைத் தாண்டி ரசிகர்களுக்கு புதுமையைச் சொல்லுமா என்பதை பொறுத்திருந்துதான் பார்க்க வேண்டும். இப்படத்தின் டிரைலர் (Kushi Movie Trailer) ரசிகர்களிடையே நல்ல வரவேற்பை பெற்று வருகிறது.