LEO (Bloody Sweet): மிரட்டலான புரோமோவுடன் வெளிவந்த தளபதி 67 டைட்டில்

Leo (Bloody Sweet): இயக்குனர் லோகேஷ் கனகராஜ் மற்றும் நடிகர் விஜய் இவர்களின் கூட்டணியில் இரண்டாவது முறையாக உருவாகும் படம் தளபதி 67. இந்த படத்திற்கு அதிகாரப்பூர்வமாக பெயர் படக்குழுவினரால் வெளியிடப்பட்டுள்ளது. இந்த வெளியீடானது ‘விக்ரம்’ ஸ்டைலில் டைட்டல் அறிவிப்பு ப்ரோமோ வீடியோ மூலமாக வெளியிடப்பட்டது.

இதற்கு முன்பாகவே ரசிகர்கள் படத்திற்கு இது தான் டைட்டில் என ‘Gangster’, ‘Eagle’, ‘Goat’, ‘killer’, ‘குருதிப் புனல்’ மற்றும் ‘கருடன்’ என பல்வேறு டைட்டில்களை சமூக தளத்தில் பதிவிட்டு வந்தனர் ஆனால் அது எல்லாம் பொய்யாகி விட்டது. விக்ரம் படத்தைப் போலவே இந்த படத்திற்கும் ப்ரோமோ வீடியோவுடன் வெளியான இந்த அறிவிப்பில் படத்தின் பெயர் “லியோ” (LEO) என அதிகாரப்பூர்வமாக தெரிவிக்கப்பட்டுள்ளது. “Bloody Sweet” என்பது படத்தில் விஜய் சொல்லும் வசனமாகும். வெளியான இந்த ப்ரோமோ விடியோவானது 2 நிமிடம் 48 வினாடிகள் உள்ளன. மேலும் இப்படத்தின் ரிலீஸ் தேதியாக அக்டோபர் 19, 2023 இல் வெளியாகும் என தெரிவிக்கப்பட்டுள்ளது. அதாவது படமானது தீபாவளிக்கு முன்னதாகவே வெளியாவதாக கூறப்படுகிறது.