Lucky Man Movie Review : லக்கிமேன் திரைப்படத்தின் விமர்சனம்

படத்தில் யோகிபாபுவின் மனைவியாக வரும் தெய்வானை (ரெய்ச்சல் ரெபேக்கா) அவர்கள் சினிமாத்தனமில்லாத ஒரு மனைவி கதாபாத்திரம். கணவனை நன்றாக புரிந்து வைத்திருப்பவர் ஒரு கட்டத்தில் யோகிபாபு அவரை விட்டுப் பிரிந்து செல்வது மட்டும் ஏற்புடையதாக இல்லை. யோகிபாபுவின் மகனாக நடித்திருக்கும் சிறுவனும் படம் முழுவதும் நிறைவாய் நடித்திருக்கிறார்.

படம் முழுவதும் யோகிபாபுவுடனேயே இருக்கும் நண்பன் கதாபாத்திரத்தில் அப்துல் லீ. நண்பனின் சுகதுக்கங்களில் எப்போதும் பங்கெடுக்கும் இது மாதிரியான நண்பர்கள்தான் பலரது வாழ்க்கையில் தூணாக இருக்கிறது. வில்லன் போன்ற குணாதிசயத்தில் வீரா. யோகிபாபுவை சிரமத்திற்கு உள்ளாக்க வேண்டும் என்பதில் முழு முனைப்புடன் இருப்பவர்.

வாகன திருட்டு மாஃபியா அல்லது இந்தியாவில் மோட்டார் வாகனம் வைத்திருப்பதில் உள்ள சிக்கல்கள் மற்றும் வாகன உரிமையாளருக்கு எதிராக அறியாமை அல்லது சக்தியின்மை எவ்வாறு (Lucky Man Movie Review) பயன்படுத்தப்படலாம் என்பதை தோண்டி எடுக்கும் ஒரு திரைப்படத்தை நீங்கள் எதிர்பார்க்கிறீர்கள் என்றால், நீங்கள் ஏமாற்றமடையலாம்.

ஷான் ரோல்டன் இசையமைப்பில் பின்னணி இசையானது படத்திற்கு பக்கபலமாய் அமைந்துள்ளது. சந்தீப் கே.விஜய் ஒளிப்பதிவு காட்சிகளுக்குரிய யதார்த்தத்தை அருமையாய் படம் முழுவதும் பதிவு செய்திருக்கிறது. இங்கே, எழுத்தாளர்- இயக்குனர் பாலாஜி வேணுகோபால், அவர்கள் வழக்கமான ஹீரோயிசத்தைத் தவிர்த்து மிகவும் எளிமையான கதையைத் தேர்வு செய்கிறார். இடைவேளை வரைக்கும் சுவாரசியமாக நகரும் படம், அதன் பின் கொஞ்சம் தடுமாறுகிறது. தொலைத்த காரைத் தேடி யோகிபாபு அலைவதும், அவரை வீரா (சிவக்குமார்) வெறுப்பேற்ற நினைப்பதும் என காட்சிகள் ‘ரிபீட்’ ஆவது போன்ற உணர்வுதான் வருகிறது. அதை மட்டும் சரி செய்திருந்தால் ‘லக்கிமேன்’ கொஞ்சம் ‘சூப்பர்மேன்’ ஆக மாறியிருப்பார்.