Making iPhone Camera Modules In India : iPhone Camera Modules தயாரிக்க Titan, Murugappa-வுடன் பேச்சுவார்த்தை

தற்போது இந்தியாவில் ஆப்பிள் நிறுவனத்திற்கு மிகப்பெரிய சவால்களில் (Making iPhone Camera Modules In India) ஒன்று தனது ஐபோன்களில் ஒருங்கிணைக்கப்பட்ட கேமரா தொகுதிகளுக்கான துணைக் கூறுகளை அசெம்பிள் செய்து தயாரித்து வழங்க இந்திய சப்ளையர்களின் கூட்டு இல்லை என்பதாகும். இந்த பிரச்சனையைத் தீர்க்கவே ஆப்பிள் நிறுவனம் முருகப்பா குழுமம் அல்லது டைட்டன் கம்பெனி ஆகியவற்றுடன் கூட்டணி அமைக்க ஆர்வமாக உள்ளது. அதனால் ஆப்பிள் டைட்டன் கம்பெனி மற்றும் முருகப்பா குழுமம் ஆகிய இவ்விரு நிறுவனங்களைத் ஐபோன்களில் ஒருங்கிணைக்கப்பட்ட கேமரா தொகுதிகளுக்கான துணைக் கூறுகளை அசெம்பிள் செய்து தயாரித்து வழங்க பேச்சுவார்த்தை நடத்தி தேர்வு செய்ய முடிவு செய்துள்ளது. ஆப்பிள் இவ்விரு நிறுவனங்களைத் தேர்வு செய்ய முக்கிய காரணம்.

• கடிகாரங்கள் மற்றும் நகைகள் போன்ற துல்லியமான உதிரி பாகங்களைத் தயாரிப்பதில் டைட்டன் கம்பெனியின் நிபுணத்துவம்.
• பொறியியல், நிதி சேவைகள் மற்றும் வேதியியல் துறைகளில் 100 ஆண்டுகளுக்கும் மேலான தொழில் அனுபவம் கொண்டது முருகப்பா குழுமம்.

இந்த பேச்சுவார்த்தைகள் மூலம் ஐந்து முதல் ஆறு மாதங்களில் கூட்டணிக்கான ஒப்பந்தம் இறுதி செய்யப்படலாம் என ஆப்பிள் நிறுவனம் எதிர்பார்க்கிறது. இதுமட்டும் நடந்தால் தமிழ்நாட்டை தலைமையிடமாக கொண்டு இயங்கும் முருகப்பா குழுமம் நிறுவனத்திற்கும் மற்றும் ஓசூரில் தொழிற்சாலையை வைத்துக்கொண்டு இயங்கி வரும் டைட்டன் நிறுவனத்திற்கும் ஜாக்பாட் தான். இவை நல்ல உயர்வு பெறும்.