Manapokkuthan Ellame Book Review : மனப்போக்குதான் எல்லாமே

ஜெப் கெல்லர் எழுதிய மனப்போக்குதான் எல்லாமே (Attitude Is Everything) என்ற நூலானது நம் வாழ்க்கையை மாற்றக்கூடிய எண்ணங்களைச் சொல்லிக் கொடுக்கிறது. மனப்போக்கை மாற்றுங்கள், வாழ்க்கையை மாற்றுங்கள் என்ற முழக்கத்துடன் வெளிவந்துள்ள இந்நூல், நமது எதிர்மறை எண்ணங்களிலிருந்து விடுபட்டு, உங்கள் மீதுள்ள நம்பிக்கையை எடுத்துக் காட்டுகிறது. இந்த புத்தகத்தை எழுதிய ஜெப் கெல்லர், வழக்கறிஞராக தனது வாழ்க்கையைத் தொடங்கினார். பின்னர், அவர் ஒரு ஊக்கமளிக்கும் பேச்சாளராக ஆனார். இடையில் கெல்லர் 4 வருடங்களாக பல புத்தகங்களையும், குறிப்புகளையும் சேகரித்து தனது அனுபவத்தின் மூலம் பேச்சாளராக மாறியுள்ளார். நாம் அனைவரும் துன்பத்தை வெறுக்கிறோம். அது நமக்கு உதவி செய்வதில்லை என்று சொல்கிறோம். ஆனால் துன்பம் நமக்கு உதவுகிறது என்று கெல்லர் கூறுகிறார்.

அது எவ்வாறு நமக்கு உதவுகிறது என்பதை விரிவாக விளக்கியுள்ளார். உதாரணமாக, துன்பம் நமக்கு புதிய கண்ணோட்டத்தை அளிக்கிறது, நன்றியுணர்வை அளிக்கிறது, மறைந்திருக்கும் திறமைகளை வெளிப்படுத்துகிறது மற்றும் மதிப்புமிக்க பாடங்களை நமக்கு கற்பிக்கிறது. சுய மதிப்பை வளர்கின்றன என்று துன்பங்கள் பற்றிய கண்ணோட்டத்தை வெளிப்படுத்தியுள்ளார் கெல்லர். நீங்கள் நேர்மறையாளராக இருந்தாலும் சரி எதிர்மறையாளராக இருந்தாலும் சரி இந்த புத்தகம் உங்களுக்கு உதவும். நீங்கள் எதிர்மறையாளர் எனில் நேர்மறையான அணுகுமுறையை வளர்த்துக் கொள்ளவும், உங்கள் வாழ்க்கையில் நம்புவதற்குரிய முன்னேற்றத்தை அடையவும் இந்த நூலைப் பயன்படுத்தலாம். நீங்கள் ஏற்கனவே நேர்மறையாக இருந்தால், இன்னும் கூடுதலான வெற்றியையும், திருப்தியையும் அடைய இந்தப் புத்தகம் (Manapokkuthan Ellame Book Review) உதவும்.