May Day History : மே தினம் உருவானது எப்படி? தோற்றம், முக்கியத்துவம் மற்றும் கொண்டாட்டம்!
Best Foods for Liver Health : கல்லீரல் ஆரோக்கியத்தை மேம்படுத்தும் சிறந்த 10 உணவுகள்.!
SSC Jobs 2026 : எஸ்.எஸ்.சி குரூப் டி மற்றும் குரூப் சி பிரிவில் 731 பணியிடங்கள்.. உடனே விண்ணப்பிங்க!

Most Boundaries Hitting : T20 கிரிக்கெட்டில் அபார சாதனை - அதிக பவுண்டரி அடித்த அயர்லாந்து வீரர்

துபாய் :

டி20 கிரிக்கெட் வரலாற்றில் அயர்லாந்தின் பால் ஸ்டிர்லிங் மிகப்பெரிய மைல்கல்லை எட்டியுள்ளார். சர்வதேச டி20 கிரிக்கெட்டில் அதிக பவுண்டரிகள் (Most Boundaries Hitting) அடித்த ரோஹித் சர்மா மற்றும் விராட் கோலி ஆகியோரை பின்னுக்குத் தள்ளி புதிய மைல்கல் சாதனையையும் படைத்துள்ளார். அயர்லாந்து அணி ஆப்கானிஸ்தானுக்கு எதிரான டி20 தொடரில் விளையாடி வருகிறது. இந்தத் தொடரின் முதல் போட்டியில் பால் ஸ்டிர்லிங் 25 ரன்கள் எடுத்தார். பின்னர் சர்வதேச டி20 போட்டிகளில் 400 பவுண்டரிகள் என்ற மைல்கல்லை கடந்தார்.

பால் ஸ்டிர்லிங் :

தற்போது பால் ஸ்டிர்லிங் 135 போட்டிகளில் 401 பவுண்டரிகள் அடித்துள்ளார். சர்வதேச டி20 போட்டிகளில் அதிக பவுண்டரிகள் (Most Boundaries Hitting) அடித்த வீரர்கள் பட்டியலில் முதலிடத்தை பிடித்துள்ளார். இதே பட்டியலில் பாகிஸ்தானின் பாபர் அசாம் 395 பவுண்டரிகளுடன் இரண்டாவது இடத்தில் உள்ளார்.

இந்திய அணியின் விராட் கோலி 361 பவுண்டரிகளுடன், ரோகித் சர்மா 359 பவுண்டரிகளுடன் மூன்றாவது மற்றும் நான்காவது இடத்தில் உள்ளனர். பவுண்டரிகள் அடித்ததில் பால் ஸ்டிர்லிங் முதலிடத்தில் இருந்தாலும், டி20 சர்வதேசப் போட்டிகளில் அதிக சிக்ஸர் அடித்தவர்கள் பட்டியலில் ரோஹித் சர்மா ஆதிக்கம் செலுத்துகிறார். அவர் 190 சிக்ஸர்களுடன் முதலிடத்தில் உள்ளார்.

ரோஹித் சர்மா :

பால் ஸ்டிர்லிங் 124 சிக்ஸர்களுடன் பட்டியலில் ஐந்தாவது இடத்தில் உள்ளார். இன்னும் 4 சிக்ஸர்கள் அடித்தால் ரன்னர்-அப் இடத்தைப் பிடிக்க முடியும். இருப்பினும், ஆறாவது இடத்தில் உள்ள சூர்யகுமார் யாதவ் ஐந்து சிக்ஸர்களை அடித்தால் இரண்டாவது இடத்தைப் பிடிப்பார்.

ஆப்கானிஸ்தானுக்கு எதிரான முதல் டி20 போட்டியில் அயர்லாந்து 149 ரன்கள் குவித்தது. அடுத்து ஆப்கானிஸ்தான் 111 ரன்களுக்கு ஆட்டமிழந்தது. அயர்லாந்து 38 ரன்கள் வித்தியாசத்தில் வெற்றி பெற்றது. 2024 டி20 உலகக் கோப்பையின் முன்னோட்டமாக இந்த இரு அணிகளும் டி20 தொடரில் விளையாடி வருவது குறிப்பிடத்தக்கது.