Most Wickets In IPL : ஐபிஎல் தொடரில் புதிய சாதனை | அதிக விக்கெட்டுகள் வீழ்த்திய சாஹல்

இதன் மூலம் ஐபிஎல் வரலாற்றில் 200 விக்கெட்டுகளை வீழ்த்திய முதல் வீரர் என்ற சாதனையை (Most Wickets In IPL) சாஹல் படைத்துள்ளார். 153 போட்டிகளில் விளையாடியுள்ள சாஹல், இதுவரை 200 விக்கெட்டுகளை வீழ்த்தியுள்ளார். சிஎஸ்கே அணியின் பிராவோ 183 விக்கெட்டுகளுடன் இரண்டாவது இடத்தில் உள்ளார். சாவ்லா 181 விக்கெட்டுகளுடன் மூன்றாவது இடத்திலும், சன்ரைசர்ஸ் அணியின் புவனேஷ்வர் குமார் 174 விக்கெட்டுகளுடன் நான்காவது இடத்திலும் உள்ளனர். அமித் மிஸ்ரா 173 விக்கெட்டுகளையும், சுனில் நரைன் மற்றும் அஷ்வின் தலா 172 விக்கெட்டுகளையும் வீழ்த்தி ஐந்தாவது இடத்தில் உள்ளனர்.

33 வயதான சாஹல் இன்னும் வலுவாக இருக்கிறார். ஆனால் சில காரணங்களால் அவர் இந்திய அணியில் இடம்பெறவில்லை. தற்போது டி20 உலகக் கோப்பை நடைபெறவுள்ள நிலையில், அதில் சாஹலின் பெயர் இடம்பெறாது என தகவல் வெளியாகியுள்ளது. ஐபிஎல் வரலாற்றில் 200 விக்கெட்டுகளை வீழ்த்திய முதல் வீரர் என்ற பெருமையை (Most Wickets In IPL) பெற்ற சாஹலுக்கு ஏன் இந்த நிலை என்று ரசிகர்கள் கேட்க ஆரம்பித்துள்ளனர். 2023 கிரிக்கெட் உலகக் கோப்பையில் சாஹல் சேர்க்கப்படவில்லை என்பது குறிப்பிடத்தக்கது.