Mumbai Administration Action : அடுத்த போட்டியில் பாண்டியாவுக்கு எதிராக ஒரு கோஷம் கூட வரக்கூடாது- மும்பை நிர்வாகம் நடவடிக்கை..!

இதையடுத்து ஹைதராபாத் அணிக்கு எதிரான போட்டியின் போது ரோஹித் சர்மாவை ரசிகர்கள் கோஷமிட்டதால் ஹர்திக் பாண்டியா ட்ரோல் செய்யப்பட்டார். இதனால் மும்பை அணி நிர்வாகம் மட்டுமின்றி, அம்பானி குடும்பத்தினரும் கலக்கம் அடைந்துள்ளதாக தெரிகிறது. இதையடுத்து கடந்த 2 நாட்களாக ஹர்திக் பாண்டியாவுக்கு ஆதரவாக சமூக வலைதளங்களில் பிரச்சாரம் தீவிரமாக நடந்து வருகிறது.

இந்நிலையில் ஏப்ரல் 1ம் தேதி மும்பை வான்கடே மைதானத்தில் ராஜஸ்தான் அணியை எதிர்த்து மும்பை அணி விளையாடவுள்ளது. இந்த போட்டியில் ஹர்திக் பாண்டியா எதிர்ப்பை சந்திக்க கூடாது என்பதில் மும்பை அணி நிர்வாகம் தீவிரம் காட்டி வருகிறது. உள்நாட்டில் எதிர்ப்பு இருந்தால் அது அணியையும் பாதிக்கும்.

இதனால் மைதானத்திற்கு வரும் ரசிகர்கள் யாரேனும் ஹர்திக் பாண்டியாவை ட்ரோல் செய்தாலோ அல்லது கண்டன முழக்கங்களை எழுப்பினாலோ அவர்களை உடனடியாக காவலர்கள் கண்டறிந்து மைதானத்தை விட்டு வெளியே அனுப்பி விடுவார்கள் என தெரிவிக்கப்பட்டுள்ளது. மும்பை அணிக்கு வான்கடே மைதான நிர்வாகமும் உதவும் எனத் தெரியவந்துள்ளது.

கடந்த சில சீசன்களாக, எதிரணி ஜெர்சியில் போட்டிகளின் போது மும்பை ரசிகர்களுக்கு அனுமதி மறுக்கப்பட்டது. குறிப்பாக, சில ஸ்டாண்டுகள் மும்பை ஜெர்சியுடன் மட்டுமே வருமாறு அறிவுறுத்தப்பட்டது. இந்த முறை ஹர்திக் பாண்டியாவுக்கு ஆதரவான கோஷங்கள் வரும் வகையில் செயல்பட மும்பை அணி நிர்வாகம் அறிவுறுத்தப்பட்டுள்ளதாக கூறப்படுகிறது.