New Facility For Registering Deeds : இனி ஆவண எழுத்தர்கள் இன்றி பொதுமக்களே பத்திரப்பதிவு செய்யும் புதிய வசதி அறிமுகம்

பொதுமக்கள் 1950-ம் ஆண்டு முதல் நகல் பத்திரங்களும் மற்றும் 1975-ம் ஆண்டு முதல் வில்லங்க சான்றிதழ்களும் எளிமையாக https://tnreginet.gov.in என்ற இணையதளத்தில் பதிவிறக்கம் செய்யலாம். மேலும் கடந்த மாதம் வெளியிட்ட அறிவிப்பில் திருமண பதிவு நடைமுறையும் எளிமைப்படுத்தப்பட்டு, பொதுமக்களே நேரடியாக விண்ணப்பித்து சான்றிதழ் பெற்று கொள்ளலாம். தற்போது அதன் அடுத்தக்கட்டமாக பொதுமக்களே ஆவணங்களை (New Facility For Registering Deeds) நேரடியாக தாக்கல் செய்யும் வழிமுறையை பத்திரப்பதிவுத்துறை ஏற்படுத்தி உள்ளது. அதாவது தமிழகத்தில் இதுவரை வீடு, நிலம் உள்ளிட்ட சொத்துகளை பத்திரப்பதிவு செய்ய ஆவண எழுத்தர்கள், வக்கீல்கள் மூலமே ஆவணங்களை பதிவு செய்யும் நிலை இருந்தது. ஆனால் இனி பொதுமக்களே நேரடியாகவே தங்களின் ஆவணங்களை பதிவு செய்து கொள்ளலாம். இதற்கான சீரமைப்பு பணிகள் வெப்சைட்டில் செய்யப்பட்டுள்ளது.

இந்த இணையதளத்தில் ஆவணங்களின் வகை மற்றும் பாகப்பிரிவினை போன்றவற்றை முதலில் பதிவு செய்ய வேண்டும். பிறகு விற்பவர் பெயர், வாங்குபவர் பெயர், சர்வே எண், பத்திரப்பதிவு அலுவலகம், நிலம் அமைந்திருக்கும் கிராமம், நிலத்தின் அளவு போன்ற உள்ளீடுகளை பதிவு செய்தால் ஆவணம் தானாக உருவாகும் வகையில் சீரமைப்பு பணிகள் செய்யப்பட்டுள்ளது.