New Low Pressure : வங்கக்கடலில் உருவாகிறது புதிய காற்றழுத்த தாழ்வு பகுதி

வங்கக் கடலில் புதிய காற்றழுத்த தாழ்வு பகுதி உருவாகியுள்ளதால் தமிழகத்தில் வரும் செப்டம்பர் 25-ம் தேதி முதல் 3 நாட்களுக்கு கனமழை (New Low Pressure) பெய்யும் என சென்னை வானிலை மையம் தெரிவித்துள்ளது. இதுகுறித்து  சென்னை வானிலை மையம் வெளியிட்ட அறிக்கையில் கூறியிருப்பதாவது, தமிழக தென்மாவட்டங்களை ஒட்டிய பகுதிகளின் மேல், ஒரு வளி மண்டல மேலடுக்கு சுழற்சியும், மத்திய ஆந்திர பகுதிகளின் மேல், மற்றொரு வளி மண்டல மேலடுக்கு சுழற்சி நிலவுகிறது. மேலும் வங்கக்கடலில் வரும் 25-ம் தேதி புதிய காற்றழுத்த தாழ்வுப் பகுதி உருவாக வாய்ப்பு உள்ளது. இந்த காற்றழுத்தத் தாழ்வு மண்டலம் செப்டம்பர் 27-ம் தேதி ஒடிசா – ஆந்திர கடலோரம் கரையை கடக்க உள்ளதால், தமிழகத்தின் வட மாவட்டங்களில், சில இடங்களிலும், தென் மாவட்டங்களில் ஒரு சில இடங்களில், இன்று இடி மின்னலுடன் கூடிய மிதமான மழை பெய்யலாம் என தெரிவித்துள்ளது.