Nice International Film Festival : நைஸ் சர்வதேச திரைப்பட விழாவில் ராசாவதி 5 பிரிவுகளில் பரிந்துரைக்கப்பட்டுள்ளது

நடிகர் அர்ஜுன்தாஸ் இந்தப் படத்தில் ‘சதாசிவ பாண்டியன்’ என்ற சித்த மருத்துவராக நடித்துள்ளார். 15வது தாதா சாகேப் பால்கே திரைப்பட விழாவில் நடிகர் அர்ஜுன் தாஸுக்கு சிறந்த நடிகருக்கான விருதை இந்தப் படம் பெற்றுத் தந்துள்ளது. இது அர்ஜுன் தாஸ் ரசவதி படத்தில் நடித்ததற்காக கிடைத்த முதல் பாராட்டு அல்ல. இதே பாத்திரத்திற்காக அர்ஜுன் தாஸ் முன்னதாக 2024-ம் ஆண்டு நியூ ஜெர்சி இந்திய மற்றும் சர்வதேச திரைப்பட விழாவில் சிறந்த நடிகருக்கான விருதை வென்றுள்ளார்.

2025-ல் நடைபெற்ற 15வது தாதா சாகேப் பால்கே திரைப்பட விழாவில் 700க்கும் மேற்பட்ட திரைப்படங்கள் திரையிடப்பட்டன. அந்த திரைப்படப் பதிவுகளிலிருந்து இந்தப் படம் தேர்ந்தெடுக்கப்பட்டுள்ளது. தாதா சாகேப் பால்கே திரைப்பட விழாவில் இந்தப் திரைப்படமானது (Nice International Film Festiva) சிறந்த வெளிநாட்டு மொழி திரைப்பட இயக்குநர், சிறந்த வெளிநாட்டு மொழி திரைப்படம், சிறந்த எடிட்டிங், வெளிநாட்டு மொழி திரைப்படத்தில் சிறந்த நடிகர் மற்றும் வெளிநாட்டு மொழி திரைப்படத்தில் சிறந்த நடிகை உள்ளிட்ட ஐந்து மதிப்புமிக்க பிரிவுகளிலும் தேர்வு செய்யப்பட்டுள்ளது.

லண்டன் சர்வதேச திரைப்பட விழா 2025-ல் இந்தத் திரைப்படம் சிறந்த ஒலி வடிவமைப்புக்கான விருதை வென்றுள்ளது. இந்த படத்தில் பணியாற்றியுள்ள ஒலி பொறியாளர் தபஸ் நாயக்கின் பணி தனித்து நிற்கிறது. உலகெங்கிலும் இருந்து வந்த ஒன்பது படங்களின் ஒலி வடிவமைப்மை தோற்கடித்து ‘ராசாவதி’ படத்தின் ஒலி வடிவமைப்பு ஆனது வெற்றி பெற்றுள்ளது.