Nobel Prize in Literature 2025: இலக்கியத்திற்கான நோபல் பரிசு..ஹங்கேரி எழுத்தாளருக்கு அறிவிப்பு..!

உலகில் பல்வேறு துறைகளில் தலைசிறந்து விளங்கும் நபர்களைத் தேர்வுசெய்து அவர்களுக்கு ஸ்வீடனைச் சேர்ந்த விஞ்ஞானி ஆல்ஃபிரட் நோபல் நினைவாக (Nobel Prize in Literature 2025) நோபல் பரிசு வழங்கப்படுகிறது. இந்நிலையில் நடப்பு ஆண்டுக்கான விருதுகள் கடந்த அக்டோபர் 6-ம் தேதி முதல் அறிவிக்கப்பட்டு வருகிறது. அந்த வகையில், 2025-ம் ஆண்டுக்கான மருத்துவத்துக்கான நோபல் பரிசு, உடலில் உள்ள நோயெதிர்ப்பு அமைப்பானது, அதன் சொந்த உடல் உறுப்புகளை தாக்காமல் எப்படி கட்டுக்குள் வைக்கிறது என்ற ஆராய்ச்சிக்காக அமெரிக்​காவை சேர்ந்த மேரி இ.பிரன்கோவ், பிரெட் ராம்ஸ்டெல் மற்றும் ஜப்பானை சேர்ந்த ஷிமோன் சகாகுச்சி என்ற 3 மருத்துவ வல்லுநர்களுக்கு கூட்டாக அறிவிக்கப்பட்டுள்ளது.

இதைத் தொடர்ந்து, இயற்பியலுக்கான நோபல் பரிசு குவாண்​டம் ஊடுருவல் குறித்த ஆய்​வுக்​காக அமெரிக்காவை சேர்ந்த ஜான் எம்.மார்டினிஸ், பிரிட்​டனை சேர்ந்த ஜான் கிளார்க், பிரான்ஸை சேர்ந்த மைக்​கேல் டெவோரெட் ஆகியோருக்கு கூட்டாக வழங்கப்பட இருக்கிறது. அதனைத் தொடர்ந்து, கார்பன் அடிப்படையிலான மூலக்கூறுகள் இணைந்து உருவாக்கும் ஒரு புதிய வகை மூலக்கூறு கட்டமைப்பை கண்டுபிடித்ததற்காக ஜப்பானை சேர்ந்த க்யோடோ பல்கலைகழகத்தின் பேராசிரியர் சுசுமு கிடகவா, ஆஸ்திரேலியாவை சேர்ந்த மெல்போர்ன் (Nobel Prize in Literature 2025) பல்கலை பேராசிரியர் ரிச்சர்ட் ராப்சன், அமெரிக்காவின் கலிஃபோர்னியா பல்கலை பேராசிரியர் ஒமர் எம்.யாகி ஆகியோருக்கு இந்த ஆண்டு வேதியியலுக்கான நோபல் பரிசு அறிவிக்கப்பட்டுள்ளது.