NSE Index Hit An All Time High : The NSE index ஆனது 24,650.05 Points உயர்ந்துள்ளது

தேசிய பங்குசந்தையில் ஜூலை 16 அன்று வர்த்தகம் தொடங்கிய சில மணி நேரத்தில் Nifty-யில் வெளிநாட்டு முதலீடுகள் குவியத் தொடங்கின. இதன் காரணமாக தேசிய பங்குசந்தையின் குறியீடு ஆனது 24 ஆயிரத்து 650.05 புள்ளிகளை கடந்தது. The NSE index (National Stock Exchange index) ஆனது 63.35 புள்ளிகள் அதிகரித்து இதுவரை இல்லாத அளவாக 24 ஆயிரத்து 650.05 (NSE Index Hit An All Time High) புள்ளிகளைத் தாண்டியது. இதைப்போலவே மும்பை பங்குசந்தை Nifty ஆனது 185.55 புள்ளிகள் அதிகரித்து 80 ஆயிரத்து 580.41 புள்ளிகளில் வர்த்தகமாகி உள்ளது.

பங்குசந்தை நிபுணர்கள் அந்நியச் செலாவணி முதலீடு அதிகரித்ததன் காரணமாகவே இந்திய பங்குச்சந்தை தொடர்ந்து மூன்றாவது நாளாக லாபத்துடன் வர்த்தகமாகி வருகிறது என காரணம் கூறுகின்றனர். கடந்த 15.07.2024 அன்று மட்டும் 2 ஆயிரத்து 684 கோடி 78 லட்ச ரூபாய் மதிப்பிலான வெளிநாட்டு முதலீடுகள் அந்நிய செலாவணியாக இந்திய பங்குச்சந்தைகளில் முதலீடு செய்யப்பட்டுள்ளது. பங்குசந்தை வெற்றிகரமாக வளர்ச்சிப் பாதையில் செல்வதற்கு Bharti Airtel, Tata Steel மற்றும் Infosys போன்ற நிறுவனங்களின் பங்குகள் கணிசமாக விலை உயர்வை பெற்றுள்ளதும் ஒரு காரணம் என நிபுணர்கள் கூறுகின்றனர். Mahindra And Mahindra, Hindustan Unilever, Tata Steel, Adani Ports, ICICI Bank மற்றும் Titan ஆகிய நிறுவனங்களின் பங்குகளும் கணிசமான அளவில் விலை உயர்ந்துள்ளன.

குறிப்பாக PSUs (பொதுத்துறை நிறுவனங்கள்), Infrastructure (உட்கட்டமைப்பு), Defense Sector Companies (பாதுகாப்புத் துறை நிறுவனங்கள்), Adani மற்றும் Ambani உள்ளிட்ட மத்திய ஆட்சிக்கு நெருக்கமான கார்ப்பரேட் நிறுவனங்களின் பங்குகள் ஆனது நல்ல ஏற்றத்தைப் பதிவு செய்யும் என நிபுணர்கள் கணித்துள்ளனர். இந்தியாவில் பருவமழை காலத்தின் முன்னேற்றம் மற்றும் ஊக்கமளிக்கும் உலகளாவிய தரவு ஆகியவை முதலீட்டாளர்களின் நம்பிக்கையை பலப்படுத்தியுள்ளன. இன்றைய பங்குச் சந்தை ஆனது தேர்தலுக்குப் பிந்தைய கருத்துக் கணிப்புகளை உறுதி செய்யும் வகையில் இருப்பதால், இன்றைய பங்கு வர்த்தகத்தில் நல்ல ஏற்றத்தைக் காண முடிகிறது. பங்குச் சந்தை உச்ச நிலையில் இருப்பதால் முதலீட்டாளர்கள் எதில் முதலீடு செய்வது மற்றும் எவ்வளவு காலத்துக்கு முதலீட்டைத் திட்டமிடுவது என்பது குறித்து ஆராய்ந்து பார்த்து தகுதியான பங்குகளில் முதலீடு செய்வது மிகவும் நல்லது.