Paramporul Trailer: சரத்குமாரின் பரம்பொருள் ட்ரைலர் வெளியீடு...

நடிகர் சரத்குமார் நடிப்பில் உருவாகி வரும் பரம்பொருள் படத்தின் ட்ரைலர் வெளியாகி கவனம் பெற்று வருகிறது.

தென்னிந்திய சினிமாவின் இன்றியமையாத நடிகர்களில் ஒருவராகத் திகழ்பவர் சரத்குமார். இவர் ஹீரோ- வில்லன் என அனைத்திலும் சிறப்பாக நடித்து வருகிறது. இந்த 2023-ஆம் ஆண்டு தளபதி விஜய்யுடன் வாரிசு, ராகவா லாரன்ஸ் உடன் ருத்ரன், நாக சைதன்யா நடிப்பில் கஸ்டடி ஆகிய படங்களில் முக்கிய வேடங்களில் நடித்துள்ளார். இயக்குனர் மணிரத்னத்தின் கனவுப் படைப்பான பொன்னியின் செல்வன் படத்தில் பெரிய பழுவேட்டரையர் என்ற முக்கிய கதாபாத்திரத்தில் நடித்தார். சமீபத்தில் இயக்குனர் விக்னேஷ் ராஜா இயக்கத்தில் வெளியான க்ரைம் திரில்லர் படமான போர் தொழில் படத்தில் போலீஸ் அதிகாரியாக நடித்து அனைவரின் கவனத்தையும் ஈர்த்தார். சுப்ரீம் ஸ்டார் சரத்குமார் நடிப்பில் தொடர்ந்து அட்டகாசமான படங்கள் தயாராகி வருகிறது.

நடிகர் கௌதம் கார்த்திக்குடன் கிரிமினல், கார்த்திக் நரேன் இயக்கத்தில் அதர்வாவுடன் நிறங்கள் மூன்று உள்ளிட்ட படங்களில் நடித்துள்ள நடிகர் சரத்குமார், தற்போது தனது 150-வது படமான தி ஸ்மைல் மேன் படத்தில் நடித்து வருகிறார். இந்த வரிசையில் சரத்குமார் நடிக்கும் அடுத்த பெரிய படமாக ‘பரம்பொருள்’ திரைப்படம் வெளியாக உள்ளது. நடிகர் அமிதாஷ் உடன் இணைந்து சரத்குமார் கதாநாயகனாக நடிக்கும் இந்த பிரம்மாண்ட படத்தில் காஷ்மிரா பரதேசி கதாநாயகியாக நடிக்கிறார். மனோஜ் மற்றும் கிரீஷ் இணைந்து தயாரிக்கும் இந்த படத்தை C.அரவிந்த்ராஜ் எழுதி இயக்கியுள்ளார். யுவன் ஷங்கர் ராஜா இசையமைப்பில், அனிருத் பாடிய ‘அடியாத்தி’ பாடல் வெளியாகி ரசிகர்களிடம் நல்ல வரவேற்பை பெற்ற நிலையில் படத்தின் ட்ரைலர் (Paramporul Trailer) தற்போது வெளியாகியுள்ளது.