Poisonous Mushrooms : உயிரைப் பறித்த காளான், விஷக்காளான்களை கண்டறிவது எப்படி?

சிலருக்கு பால் பொருட்கள், வேர்க்கடலை போன்றவற்றால் ஒவ்வாமை ஏற்படும். சிலருக்கு காளான்களாலும் ஒவ்வாமை ஏற்படலாம். அவை முகத்தில் வீக்கம், அரிப்பு மற்றும் தோலில் புண் ஆகியவற்றை ஏற்படுத்தும். இது வாந்தி மற்றும் வயிற்றுப்போக்கையும் ஏற்படுத்தும். அப்படிப்பட்டவர்கள் காளான்களைத் தவிர்ப்பது நல்லது. இது ஒவ்வொருவரின் செரிமான அமைப்பு மற்றும் ஆரோக்கியத்தைப் பொறுத்தது.

பொதுவாக நம் நாட்டில் பட்டன் காளான்கள் அதிகம் விற்கப்படுகின்றன. அவை ஊட்டச்சத்துக்கள் நிறைந்தவை. இது குறித்து இரைப்பை, குடல் மருத்துவ நிபுணர் நீலமேகம் கபாலி கூறியதாவது, காளான்கள், காய்கறி அல்லது விலங்கில் இருந்து வரும் உணவுப் பொருள் அல்ல. இவை பூஞ்சை வகையைச் சேர்ந்தவை. இது முற்றிலும் கொழுப்பு மற்றும் மாவுச்சத்து இல்லாதது. தினமும் காளான் சாப்பிடுவது உடலுக்கு நன்மை பயக்கும்.

தோல் நோய்களை குணப்படுத்துவது மட்டுமின்றி, இன்றைய தலைமுறையின் தலைமுடி உதிர்தல், முகப்பரு போன்ற முக்கிய பிரச்சனைகளையும் கட்டுப்படுத்துகிறது. காளான் புற்றுநோயை குணப்படுத்தும் என மருத்துவ அறிஞர்கள் ஆய்வறிக்கையை சமர்ப்பித்துள்ளனர். இது உடலில் நோய் எதிர்ப்பு சக்தியை அதிகரிக்கிறது என்கிறார் டாக்டர் நீலமேகம். காளானை ஓடும் நீரில் கழுவி, மஞ்சள் மற்றும் உப்பு கலந்த வெந்நீரில் சிறிது நேரம் ஊறவைத்து, சரியாக சமைத்து சாப்பிடுவது சிறந்த முறை. இதில் 93 முதல் 95 சதவீதம் நீர்ச்சத்து உள்ளது. எனவே சரியான காளான்களைத் தேர்ந்தெடுத்து அவற்றை உங்கள் உணவில் சேர்த்து ஆரோக்கியமாக இருங்கள்.