May Day History : மே தினம் உருவானது எப்படி? தோற்றம், முக்கியத்துவம் மற்றும் கொண்டாட்டம்!
Best Foods for Liver Health : கல்லீரல் ஆரோக்கியத்தை மேம்படுத்தும் சிறந்த 10 உணவுகள்.!
SSC Jobs 2026 : எஸ்.எஸ்.சி குரூப் டி மற்றும் குரூப் சி பிரிவில் 731 பணியிடங்கள்.. உடனே விண்ணப்பிங்க!

Pradeep Ranganathan's Next Movie : பிரதீப் ரங்கநாதனின் அடுத்த படம் அறிவிப்பு

பிரதீப் ரங்கநாதன் தற்போது வளர்ந்து வரும் ஹீரோக்களில் ஒருவராக இருக்கிறார். அவரது தோற்றம், நடிப்பு, டயலாக் டெலிவரி என அனைத்தும் மிக எளிமையாக இருப்பதால் ரசிகர்களுடன் எளிதில் இணைந்துள்ளார். தற்போது விக்னேஷ் சிவன் இயக்கும் எல்ஐசி படத்தில் அவர் கமிட்டாகி நடித்து வருகிறார். இதில் எஸ்.ஜே.சூர்யா மற்றும் பலர் நடித்துள்ளனர். அடுத்ததாக ஓ மை கடவுளே படத்தை இயக்கிய அஸ்வத் மாரிமுத்து இயக்கும் படத்தில் (Pradeep Ranganathan’s Next Movie) கமிட்டாகியுள்ளார். கோமாளி படத்தின் மூலம் இயக்குநராக அறிமுகமானார் பிரதீப் ரங்கநாதன். இப்படத்தில் ஜெயம் ரவி, காஜல் அகர்வால், யோகி பாபு மற்றும் பலர் நடித்துள்ளனர். 90ஸ் கிட் கோமாவுக்கு சென்று தற்காலத்திற்கு திரும்பினால் என நடக்கும் என்பதை அடிப்படையாகக் கொண்டது இந்தப் படம். இப்படம் ரசிகர்களிடம் நல்ல வரவேற்பை பெற்றது.

லவ் டுடே :

சில வருடங்கள் அமைதியாக இருந்த பிரதீப் ரங்கநாதன் தான் இயக்கிய குறும்படத்தை டெவலப் செய்து லவ் டுடே படத்தை இயக்கினார். ஏஜிஎஸ் நிறுவனம் தயாரித்துள்ள இப்படத்திற்கு யுவன் ஷங்கர் ராஜா இசையமைக்க, இவானா உள்ளிட்டோர் நடித்திருந்தனர். இயக்குனர் பிரதீப் ரங்கநாதனும் முக்கிய வேடத்தில் நடித்தார். இந்தப் படம்தான் அவர் ஹீரோவாக அறிமுகமான முதல் படம் என்பது குறிப்பிடத்தக்கது. லவ் டுடே திரைப்படம் இளைஞர்களை, குறிப்பாக 2k இளைஞர்களை கவர்ந்தது, காதலர்களுக்கிடையேயான காதலை நூதன முறையில் காட்டியதால் மெகா ஹிட் ஆனது. திரையரங்குகளில் குவிந்த ரசிகர்கள் படத்தை பார்த்து ரசித்தனர். மேலும் இப்படம் திரையரங்குகளில் 100 நாட்கள் ஓடி சாதனை படைத்தது. இதனிடையே லவ் டுடே படத்தை பார்த்த ரஜினி பிரதீப் ரங்கநாதனை நேரில் அழைத்து சால்வை அணிவித்து பாராட்டினார். அதுமட்டுமின்றி பிரதீப் ரங்கநாதனிடம் தனக்கு ஒரு கதை செய்ய ரஜினி கூறியதாகவும் செய்திகள் பரவின. மேலும் இப்படம் இந்தியிலும் ரீமேக் ஆகிறது. இந்தப் படத்தின் மூலம் பிரதீப் ரங்கநாதன் மிகவும் பிரபலமானார்.

Pradeep Ranganathan's Next Movie :

லவ் டுடே படத்திற்குப் பிறகு, பிரதீப் ரங்கநாதன் தற்போது விக்னேஷ் சிவன் இயக்கத்தில் எல்ஐசி (லவ் இன்சூரன்ஸ் கார்ப்பரேஷன்) படத்தில் நடித்து வருகிறார். அஜீத்தை இயக்கிய விக்னேஷ் சிவன் அதிலிருந்து விலகி இந்த படத்தை இயக்கி வருவதால் இப்படத்தின் மீது ரசிகர்களுக்கு அதிக எதிர்பார்ப்பு உள்ளது. கதாநாயகியாக கீர்த்தி ஷெட்டி நடிக்கிறார். எஸ்.ஜே.சூர்யா மற்றும் பலர் முக்கிய வேடங்களில் நடித்துள்ளனர். படத்தின் இறுதிக்கட்ட பணிகள் நடந்து வருகிறது. இந்நிலையில், பிரதீப் ரங்கநாதனின் அடுத்த படம் குறித்த அறிவிப்பு (Pradeep Ranganathan’s Next Movie) வெளியாகியுள்ளது. அதன்படி ஓ மை கடவுளே படத்தை இயக்கிய அஸ்வத் மாரிமுத்து இயக்கத்தில் பிரதீப் நடித்து வருகிறார். இதற்கான அறிவிப்பு வீடியோ வெளியாகியுள்ளது. அதில் அஸ்வத், பிரதீப் இருவரும் தோன்றுகிறார்கள். 10 ஆண்டுகளுக்கு முன்பு அவர்கள் எடுத்த ஒரு குறும்படத்தின் காட்சியை மீண்டும் உருவாக்குவது போல் வீடியோ உள்ளது. படத்தின் பெயர் விரைவில் அறிவிக்கப்படும் என தெரிவிக்கப்பட்டுள்ளது. இந்த அர்ச்சனா கல்பாத்தி இப்படத்தை தயாரிக்கிறார்.