பல முகங்களை கொண்ட Prakash Raj Birthday On March 26

பிரகாஷ் ராஜ் (Prakash Raj)  அவர்களுக்கு மிகவும் பிடித்த இயக்குனரான கே.எஸ்.எல் சாமி அவர்கள் ஒரு படத்தில் டாக்டர் ரோல் இருக்கு அதுல நடிக்கனும் அப்படினு சொல்றாரு, அவர் மேல இருக்க மரியாதையின் நிமிர்தமா அதை மறுக்காமல் ஒப்புக்கொண்டு நடித்தார்.  அதன் பிறகு கன்னட படங்களில் சிறு சிறு கதாபாத்திரங்களில் பணத்தேவைக்காக நடிக்கிறார். மற்ற சமயத்தில் திரைப்பட வாய்ப்பை மறுத்து விடுகிறார்.

தூர்தர்ஷன் தொலைக்காட்சில் நாடக வாய்ப்பு கிடைத்து அதில் நடிக்கிறார். இதை தொடர்ந்து நடிகை கீதா நடித்த கன்னட படமான மிதிலேயே சீதாரயா என்னும் படத்தில் மருத்துவராக நடிக்கிறார். அவருடை நடிப்புத்திறமையையும், வசனஉச்சரிப்பையும் பார்த்த நடிகை கீதா தமிழ் திரைப்பட இயக்குனரான திரு. கே. பாலச்சந்தருக்கு பிரகாஷ்ராஜை அறிமுகம் செய்து வைக்கிறார். அந்த சமயத்தில்  திரு. பாலச்சந்தர் அவர்கள் டூயட் படம் எடுப்பதற்காக ஆயத்தம் ஆகிக்கொண்டிருந்தார். அதனால் பிரகாஷ்ராஜ் (Prakash Raj) அவருக்கு நடிப்பு ஒத்திகை வைத்து நடித்து காட்டும்படி சொல்கிறார் பிரகாஷ்ராஜும் நடித்து காட்டுகிறார்.

பிரகாஷ்ராஜின் நடிப்பு பிடிக்கிறது. தமிழ் மொழி தெரியாத பிரகாஷ்ராஜிடம் படம் ஆரம்பிக்கும் முன் தமிழ் கற்றுக்கொள்ள வேண்டும் என்றும் தமிழ் கற்றால் தான் படவாய்ப்பு கிடைக்கும் என்றும் சொல்கிறார். மேலும் பிரகாஷ் ராய் என்பதை பிரகாஷ் ராஜ் என்று மாற்றிக்கொள்ள அதுதான் தமிழ் ரசிகர்களுக்கு பொருத்தமாக இருக்கும் என்றும் சொல்கிறார்.

இதனை ஒப்புக்கொண்டு சீக்கிரமே தமிழ் மொழியை கற்று டூயட் படத்தின் மூலம் வில்லனாக தமிழில் அறிமுகமாகிறார் பிரகாஷ்ராஜ் (Prakash Raj). இந்த படப்பிடிப்பு சமயத்தில்தான் பாலச்சந்தரின் ஒர்கிங் ஸ்டைல் மற்றும் ஒர்கிங் டெடிகேஷன் பார்த்து பிரகாஷ்ராஜ் (Prakash Raj) பிரமித்து போக இதிலிருந்துதான் திரைப்படங்களில் நடிக்க ஆர்வம் ஏற்படுகிறது. 1994-ல் இந்த படம் வெளியாகிறது. ஆனால் மக்களிடம் இந்த படம் நல்ல வரவேற்பை பெறவில்லை. இருப்பினும் இந்த படத்தை தொடர்ந்து நிலா, பாம்பே, பிள்ளைகுட்டிகாரன், ஆசை, சீதனம், கல்கி, பிரியம், சுபாஷ் என்று வரிசையா தமிழ் திரைப்படங்களில் நடிக்கிறார்.

இதில் ஆசை படத்தில் தனது மனைவியின் தங்கையை அடைய தனது மனைவியையே கொலை செய்கிறார். அந்த அளவிற்கு கொடூரமான கதாபாத்திரத்தில் இயல்பாக நடித்திருப்பார். இந்த படத்தின் இயக்குனரான வசந்த்திடம், கே.பாலச்சந்தர்தான் பரிந்துரைக்கிறார். 1995 – ல் இந்த படம் வெளியாகிறது.

1996 – ல் கல்கி வெளியிடப்படுகிறது. இதிலும் வில்லனாகவே நடிக்கிறார். இந்த படமும் சிறந்த வில்லன் நடிகர் என்ற பெயரை வாங்கித்தருகிறது. இதை தொடர்ந்து A.M ரத்தினம் அவருக்கு இவருடைய தமிழ் படம் பிடித்துப்போக தெலுங்கிலும் சங்கல்பம் என்கிற ஜெகபதி பாபுவின் படத்தில் கௌதமியுடன் நடிக்கிறார். அந்த படத்தின் மூலம் தெலுங்கில் அறிமுகமாகிறார். அந்த படம் ஃபிளாப் ஆனாலும் அவர் நடித்த கதாபாத்திரம் பிரபலமாக பேசப்பட்டது. இதை தொடர்ந்து தெலுங்கிலும் நிறைய பட வாய்ப்புகள் வர ஆரம்பிக்கிறது. தெலுங்கு மொழியையையும் கற்றுக்கொண்டு இவரே தனது நடிப்பிற்கு வசனம் (டப்பிங்) பேசுகிறார்.

தமிழிலும், தெலுங்கிலும் மாறி மாறி நடிக்கிறார். அந்த சமயத்தில் பாஷா பட இயக்குனர் சுரேஷ் கிருஷ்ணா அவர்கள் மோகன்லாலை வைத்து ஒரு படம் எடுக்கிறார். தி பிரின்ஸ் என்னும் படம் அந்த படத்தில் ஒரு முக்கியமான கதாபாத்திரத்தில் பிரகாஷ்ராஜ் (Prakash Raj) மலையாள படத்தில் அறிமுகமாகிறார். இதனை தொடர்ந்து மம்முட்டியுடன் நடிக்கும் வாய்ப்பு கிடைக்கிறது. தொடர்ந்து மலையாளத்திலும் நடிக்கிறார்.