Premalu 2 Update : விரைவில் உருவாகும் பிரேமலு 2

மலையாளத் திரையுலகம் 2024 ஆம் ஆண்டு தொடங்கப்பட்டதில் இருந்தே ஒட்டுமொத்த திரைப் பார்வையாளர்களின் கவனத்தை ஈர்த்து வருகிறது. சிறந்த கதைக்களம் கொண்ட படங்களை வழங்குவதில் தென்னிந்திய சினிமாவைப் பொறுத்தவரையில் மலையாளத் திரையுலகம்தான் எப்போதும் முதலிடத்தில் உள்ளது. அந்தவகையில் இந்த ஆண்டு இதுவரை வெளிவந்த பிரம்மயுகம், மஞ்சும்மல் பாய்ஸ், ஆடுஜீவிதம் போன்ற தரமான படைப்புகளின் வரிசையில் ஃப்ரீ ஸ்டைல் ​​ரொமான்டிக் ஜானரில் முழுநீள பொழுதுபோக்குப் படமாக வெளிவந்தது தான் ‘பிரேமலு’ திரைப்படம்.

கிரிஷ் ஏடி இயக்கத்தில் நஸ்லன், மமிதா பைஜு, சங்கீத் பிரதாப், ஷியாம் மோகன் ஆகியோர் முக்கிய வேடங்களில் நடித்துள்ள இப்படம் செம்ம ரகளையான யூத் ஃபுல் திரைப்படமாகும். மனதைக் கவரும் கதைக்களம் கொண்ட காதல் நகைச்சுவை படமாகும். இப்படம் நேர்மறையான விமர்சனங்களை பெற்றது. கேரளா மட்டுமின்றி தெலுங்கு மற்றும் தமிழில் வெளியான வெர்ஷனையும் ரசிகர்கள் கொண்டாடினர். ரூ.3 கோடி பட்ஜெட்டில் எடுக்கப்பட்ட இப்படம் பாக்ஸ் ஆபிஸில் ரூ.100 கோடிக்கு மேல் வசூல் செய்து சாதனை படைத்தது. திரையரங்குகளுக்குப் பிறகு டிஜிட்டல் தளத்தில் வெளியான ‘பிரேமலு’ படம் நல்ல வரவேற்பைப் பெற்றுள்ளது.