Rajinikanth Invited To Ram Temple Inauguration : அயோத்தி ராமர் கோவில் கும்பாபிஷேகம்

அயோத்தியில் கட்டப்பட்டுள்ள ராமர் கோயில் கும்பாபிஷேக விழாவில் பங்கேற்க நடிகர் ரஜினிகாந்துக்கு தனிப்பட்ட முறையில் ஸ்ரீராம ஜன்மபூமி அறக்கட்டளை மூலம் அழைப்பு (Rajinikanth Invited To Ram Temple Inauguration) விடுக்கப்பட்டுள்ளது. இதேபோல் தமிழகத்தில் இருந்து பல அரசியல் தலைவர்கள் மற்றும் பிரபலங்கள் நேரில் அழைக்கப்பட்டுள்ளனர்.

உத்தரபிரதேச மாநிலம் அயோத்தியில் பிரமாண்டமாக ராமர் கோயில் கட்டப்பட்டுள்ளது. இந்த கோவிலுக்கு பிரதமர் மோடி ஆகஸ்ட் 5, 2020 அன்று அடிக்கல் நாட்டினார். தற்போது பணிகள் முடிந்து ராமர் கோவில் கும்பாபிஷேக விழா ஜனவரி 22ம் தேதி நடைபெற உள்ளது. இதற்கான ஏற்பாடுகளை ஸ்ரீராமஜென்மபூமி அறக்கட்டளையினர் செய்து வருகின்றனர். அன்று மதியம் 12.45 மணிக்கு கோவிலின் கருவறையில் ராமர் சிலை வைக்கப்படுகிறது. “பகவான் ஸ்ரீராமர் கோயில் கும்பாபிஷேகம், பாரதத்தின் ஒட்டுமொத்த மக்களுக்கும் மற்றொரு தீபாவளிப் பண்டிகையாக இருக்கும் என்பதில் சந்தேகமில்லை. அன்றைய தினம் நாட்டு மக்கள் அனைவரும் தங்கள் வீடுகளில் தீபம் ஏற்றி கொண்டாட வேண்டும் என்று பிரதமர் மோடி வேண்டுகோள் விடுத்துள்ளார். இந்நிலையில், ராமர் கோவில் கும்பாபிஷேக விழாவில் பங்கேற்க, நாட்டின் முக்கிய பிரமுகர்கள் மற்றும் அரசியல் தலைவர்களுக்கு அழைப்பு விடுக்கப்பட்டு வருகிறது. பிரதமர் மோடியின் அறிவுறுத்தலின்படி, கும்பாபிஷேக விழாவில் பங்கேற்க, நாடு முழுவதும் உள்ள பக்தர்களுக்கு அழைப்பிதழ்களும் வழங்கப்பட்டு வருகின்றன.

பெரும் எதிர்பார்ப்புக்கு மத்தியில், அயோத்தி ராமர் கோவில் ஜனவரி 22ம் தேதி திறக்கப்பட உள்ளது. கோவில் திறப்பு விழாவின் போது, ​​கோவிலின் கருவறையில் ராமர் சிலையை பிரதமர் மோடி நிறுவுகிறார். கோவில் கும்பாபிஷேகத்திற்கு 136 சனாதன பாரம்பரியங்களைச் சேர்ந்த 25,000 இந்து மதத் தலைவர்களை அழைக்க அறக்கட்டளை திட்டமிட்டுள்ளது. கும்பாபிஷேக விழாவில் 25,000 பக்தர்கள் தவிர மேலும் 10,000 சிறப்பு விருந்தினர்கள் கலந்து கொள்வார்கள் என்று கூறப்படுகிறது. அரசியல் கட்சித் தலைவர்கள் தவிர, இந்து மதத் தலைவர்கள், அமிதாப் பச்சன் உள்ளிட்ட பாலிவுட் நடிகர்களுக்கும் தொடக்க விழாவில் பங்கேற்க அழைப்பு விடுக்கப்பட்டுள்ளது.