Ranji Trophy 2024 Final: சாம்பியன் பட்டத்தை வென்றது மும்பை...

இதற்கு அடுத்தபடியாக டெல்லி அணி மூன்றாவது இடத்தில் உள்ளது. டெல்லி அணி ஏழு முறை கோப்பையை வென்று எட்டு முறை இறுதிப் போட்டிக்கு முன்னேறியுள்ளது. மத்திய பிரதேசம் ஐந்து முறை ரஞ்சி கோப்பையை வென்றுள்ளது. அவர்கள் ஏழு முறை இரண்டாம் இடத்தைப் பிடித்துள்ளனர்.

அதேபோல் பரோடா அணி 5 முறை கோப்பையை வென்று நான்கு முறை ரன்னர் அப் ஆகியுள்ளது. சவுராஷ்டிரா இரண்டு முறை கோப்பையையும், விதர்பா இரண்டு முறையும், பெங்கால் இரண்டு முறை கோப்பையையும், 13 முறை இரண்டாம் இடத்தையும் பெற்றுள்ளன. இதற்கு அடுத்தபடியாக தமிழக அணி இதுவரை இரண்டு முறை மட்டுமே ரஞ்சி கோப்பையை வென்றுள்ளது.

ஆனால் 10 முறை தமிழக அணி இறுதிப்போட்டிக்கு வந்து தோல்வியை சந்தித்துள்ளது. தமிழகம் கடைசியாக 1988ல் ரஞ்சி கோப்பையை வென்றது.அதேபோல் ராஜஸ்தான், ஐதராபாத், மகாராஷ்டிரா, ரயில்வே ஆகிய அணிகள் தலா இரண்டு முறை ரஞ்சி கோப்பையை வென்றுள்ளன. உத்தரபிரதேசம், பஞ்சாப், ஹரியானா, குஜராத் ஆகிய அணிகள் தலா ஒரு முறை ரஞ்சி கோப்பையை வென்றுள்ளன.

கடந்த காலங்களில், மும்பையைச் சுற்றியுள்ள வீரர்கள் இந்திய அணியில் நிறைய இடம் பெறுவார்கள். ஆனால் இப்போது இந்தியா முழுவதும் கிரிக்கெட் பரவலாக விளையாடப்படுவதால், இந்தியாவின் கிராமப்புறங்களில் இருந்து கிரிக்கெட் வீரர்கள் இப்போது வருகிறார்கள். தமிழகத்தில் திறமையான வீரர்கள் பலர் இருந்தும் ரஞ்சி கோப்பையில் எங்கள் அணியால் பெரிதாக சாதிக்க முடியவில்லை.