Ravindra Jadeja New Record : இந்தியா கிரிக்கெட் வரலாற்றில் ஜடேஜா மாபெரும் சாதனை

இங்கிலாந்துக்கு எதிரான மூன்றாவது டெஸ்ட் போட்டியில் ஜடேஜா சதம் (Ravindra Jadeja New Record) அடித்து சாதனை படைத்தாலும், ரசிகர்கள் அவருக்கு எதிராக பல கடுமையான விமர்சனங்களை எழுப்பி வருகின்றனர். டாஸ் வென்று முதலில் பேட்டிங் செய்த இந்திய அணி முதல் நாள் ஆட்ட நேர முடிவில் 5 விக்கெட்டுகளை இழந்து 326 ரன்கள் எடுத்துள்ளது. இந்தப் போட்டியில் இந்திய அணி 33 ரன்கள் சேர்ப்பதற்குள் 3 விக்கெட்டுகளை இழந்து தடுமாறியது. இதனால் இந்தியா 150 ரன்களைக் கூட எட்டிவிடும் என்று ரசிகர்கள் நினைத்தனர்.

ஆனால் ரோஹித் சர்மாவும், ஜடேஜாவும் சிறப்பாக விளையாடி நான்காவது விக்கெட்டுக்கு 204 ரன்கள் சேர்த்தனர். ரோகித் சர்மா 131 ரன்களில் ஆட்டமிழந்த பிறகும், ஜடேஜாவும், சர்பிராஸ் கானும் பொறுப்பாக விளையாடி அணியைக் கட்டமைத்தனர். இந்த நிலையில் சர்பிராஸ் கான் 62 ரன்கள் எடுத்திருந்த போது ஜடேஜாவின் தவறான முடிவால் ரன் அவுட் ஆனார். இதனால் ஜடேஜாவை ரசிகர்கள் விமர்சித்து வருகின்றனர். இந்த நிலையில், டெஸ்ட் கிரிக்கெட்டில் ஜடேஜா தனது நான்காவது சதத்தை பூர்த்தி செய்துள்ளார். இது தவிர ஆட்ட நேர முடிவில் ஜடேஜா 110 ரன்கள் எடுத்துள்ளார். இதன் மூலம் ஜடேஜா அபார சாதனைக்கு (Ravindra Jadeja New Record) சொந்தக்காரர்.