RBI Approves Flipkart To Offer Online Loans : ஆன்லைன் மூலம் கடன் வழங்க பிளிப்கார்ட் நிறுவனத்துக்கு ஆர்பிஐ ஒப்புதல் அளித்துள்ளது

அடுத்த சில மாதங்களில் பிளிப்கார்ட் பைனான்ஸ் நிறுவனம் இந்தியாவில் நேரடியாக கடன் வழங்கும் சேவையில் ஈடுபட முடியும். இதற்கு தேவையான ஊழியர்களை பணி நியமனம் செய்யும் வேலைகளில் பிளிப்கார்ட் மும்முரமாக செயல்பட்டு வருகிறது. மேலும் நாம் தற்போது பயன்படுத்தும் பிளிப்கார்ட் செயலி மூலமாகவே வாடிக்கையாளர்கள் எளிதாக கடன் பெறும் வசதி கொண்டுவரப்பட உள்ளது. மேலும் பிளிப்கார்ட் நிறுவனத்தின் இந்த பைனான்ஸ் பிரிவு கோரமங்களாவில் தலைமை அலுவலகத்தை அமைத்து செயல்படும் எனவும் தெரிவிக்கப்பட்டுள்ளது. 

மேலும் தற்போது பிளிப்கார்ட் நிறுவனம் ஆக்சிஸ் வங்கியுடன் கூட்டணி அமைத்து Super. Money என்ற தளத்தின் மூலம் வாடிக்கையாளர்களுக்கு பர்சனல் லோன் வழங்கி வருகிறது. தற்போது ஆர்பிஐ ஒப்புதல் அளித்துள்ளதால் இனி பிளிப்கார்ட் நிறுவனமே நேரடியாக கடன் வழங்கும். மேலும் பிளிப்கார்ட் தளத்தில் ஷாப்பிங் (RBI Approves Flipkart To Offer Online Loans) செய்யும் வாடிக்கையாளர்களுக்கு தேவையான கடன், ஈஎம்ஐ வசதிகளை இந்நிறுவனமே ஏற்படுத்தி தரும். மேலும் பிளிப்கார்ட் நிறுவனம் உலகளவில் தற்போது 36 பில்லியன் டாலர்கள் சொத்து மதிப்பு கொண்ட நிறுவனமாக உள்ளது. இந்நிறுவனத்தில் கடந்த 2024-ம் ஆண்டில் கூகுள் நிறுவனம் 350 மில்லியன் டாலர்கள் முதலீடு செய்துள்ளது. மேலும் இந்நிறுவனம் வரும் 2026-ம் ஆண்டில் பிளிப்கார்ட் தலைமையகத்தை சிங்கப்பூரிலிருந்து இந்தியாவிற்கு மாற்ற திட்டமிட்டுள்ளது.