Republic Day 2026 : குடியரசு தினத்தின் தோற்றம், வரலாறு & முக்கியத்துவம்?

1930-ல் லஹோரில் ஜனவரி 26 அன்று நடைபெற்ற இந்திய தேசிய காங்கிரஸ் கூட்டத்தில் முழு சுதந்திர (பூர்ண சுவராஜ்) அறிவிப்புடன் குடியரசு தினத்தின் தோற்றம் தொடங்கியது. டாக்டர் பி.ஆர்.அம்பேத்கர் அவர்கள் அரசமைப்புச் சட்ட வரைவு குழு தலைவராக செயல்பட்டார். நாடு முழுவதும் 1930 ஜனவரி 26 மக்கள் சுதந்திர உறுதிமொழி எடுத்து “பூரண சுதந்திர தினம்” எனக் கொண்டாடினர். இந்திய சுதந்திரப் போராட்டத்தில் ஒரு முக்கிய திருப்புமுனையாக இது அமைந்தது. அதன் வரலாற்று (Republic Day 2026) நினைவாக ஜனவரி 26 தேதியே ஜனநாயக குடியரசின் தொடக்க நாளாக மற்றும் குடியரசு தினமாகத் தேர்ந்தெடுக்கப்பட்டது.

1946 டிசம்பர் 9 அன்று கூட்டு சபை அரசியலமைப்பு உருவாக்கப்பட்டு அரசமைப்புச் சட்ட அவை-யின் முதல் தலைவராக டாக்டர் ராஜேந்திர பிரசாத் பதவி வகித்தார். இந்தியா பிரிட்டிஷ் ஆட்சியிலிருந்து 1947-ல் விடுதலை பெற்றதும் உருவாக்கப்பட்ட இந்திய அரசியலமைப்பு சட்டம் ஆனது 1949-ல் நவம்பர் 26-ம் தேதி அன்று இந்திய அரசியலமைப்பு மன்றத்தால் ஏற்றுக்கொள்ளப்பட்டது. பின்னர், 1950-ல் ஜனவரி 26-ம் தேதி இந்த சட்டம் நடைமுறைக்கு வந்தது. இந்த ஜனவரி 26-ம் நாள் இந்தியா ஒரு குடியரசு நாடாக மாறியதை குறிக்கிறது.