Smartphone Usage Increases Dopamine Levels : ஸ்மார்ட்போன் பயன்பாட்டால் அதிகரிக்கும் டோப்பமைன்.. மருத்துவர்கள் எச்சரிக்கை?
Gynandromorph Butterfly : பாதி ஆண், பாதி பெண்.. ஒரே உடலில் 2 பாலினம் கொண்ட அதிசய பட்டாம்பூச்சி.!
Hatsun Founder Success Story : ஹட்சன் அக்ரோ புராடக்ட் லிமிடெட்டின் நிறுவனர் ஆர்.ஜி.சந்திரமோகனின் வெற்றிக் கதை.!

Reserve Bank Grade B Notification 2025 : ரிசர்வ் வங்கியில் 120 காலிப்பணியிடங்களை நிரப்ப அறிவிப்பு வெளியாகியுள்ளது

மத்திய நிதி அமைச்சகத்தின் கீழ் செயல்பட்டு ரிசர்வ் வங்கி இந்திய நாட்டின் கருவூலம் என்றும் அழைக்கப்படுகிறது. கடந்த 1935-ம் ஆண்டு 1 கோடி முதலீட்டில் கொல்கத்தாவில் தொடங்கப்பட்ட ரிசர்வ் வங்கி, வங்கிகளின் தலைமை வங்கியாக செயல்படுகிறது. மேலும் 1949-ம் ஆண்டு நாட்டுடமையாக்கப்பட்ட இந்த வங்கி, டெல்லியை தலைமையிடமாக கொண்டு செயல்பட்டு வருகிறது. மேலும் ரிசர்வ் வங்கியில் ஏற்படும் காலிப்பணியிடங்களை அவ்வப்போது உரிய அறிவிப்புகள் வெளியிடப்பட்டு நிரப்பப்படுகின்றன. அந்த வகையில் தற்போது ரிசர்வ் வங்கியில் காலியாக (Reserve Bank Grade B Notification 2025) உள்ள அதிகாரி பணியிடங்களை நிரப்ப அறிவிப்பு வெளியாகியுள்ளது.

Reserve Bank Grade B Notification 2025

1.காலியிடங்களின் எண்ணிக்கை (Total Vacancy)

ரிசர்வ் வங்கியில் காலியாக உள்ள கிரேடு B (DR) அதிகாரி பணியிடங்களுக்கு 83 பணியிடங்களும், பொருளாதாரம் மற்றும் கொள்கை ஆராய்ச்சி துறை பதவிக்கு 37 பணியிடங்களையும் சேர்த்து மொத்தம் 120 பணியிடங்கள் அறிவிக்கப்பட்டுள்ளது.

2.கல்வி தகுதி (Educational Qualification)

ரிசர்வ் வங்கியில் இந்த கிரேடு B (DR) பொது அதிகாரி பணியிடத்திற்கு அரசாங்கத்தால் அங்கீகரிக்கப்பட்ட கல்வி நிறுவனங்களில் இருந்து ஏதேனும் ஒரு பாடப்பிரிவில் 60 சதவீத மதிப்பெண்களுடன் டிகிரி முடித்து இருக்க வேண்டும் எனவும், பொருளாதாரம் சார்ந்த பணிக்கு நிதி, பொருளியல் சார்ந்த படிப்புகளில் 55 சதவீத மதிப்பெண்களுடன் முதுகலை பட்டம் பெற்று இருக்க வேண்டும் என தெரிவிக்கப்பட்டுள்ளது.

3.வயது தகுதி (Age)

ரிசர்வ் வங்கியில் இந்த அதிகாரி பணியிடங்களுக்கு ஜூலை 1, 2025 தேதியின் படி 21 வயது முதல் 30 வயதிற்குள் மிகாமல் இருப்பவர்கள் விண்ணப்பிக்கலாம். M.Phil/PhD முடித்தவர்களுக்கு 34 வயது வரை வயது வரம்பில் தளர்வுகள் உண்டு.

4.சம்பளம் (Salary)

ரிசர்வ் வங்கியில் இந்த கிரேடு B அதிகாரி பணியிடங்களுக்கு தேர்வு செய்யப்படும் விண்ணப்பதாரர்களுக்கு (Reserve Bank Grade B Notification 2025) மாதம் ரூ.55,200/- முதல் ரூ.99,750/- வரை சம்பளம் வழங்கப்படும் என தெரிவிக்கப்பட்டுள்ளது.

5.தேர்வு செய்யப்படும் முறை (Selection Process)

ரிசர்வ் வங்கியில் இந்த கிரேடு B அதிகாரி பணியிடங்களுக்கு ஆன்லைன் முறையில் இரண்டு கட்ட தேர்வுகள் நடைபெறும். இதில் வெற்றி பெற்ற நபர்களுக்கு நேர்முகத்தேர்வு வைத்து அதன் மூலம் தகுதியான நபர்கள் தேர்வு செய்யப்படுவார்கள்.

6.விண்ணப்ப கட்டணம் (Application Fees)

ரிசர்வ் வங்கியில் இந்த அதிகாரி பணியிடங்களுக்கு விண்ணப்ப கட்டணமாக General/OBC பிரிவினருக்கு ரூ.850 ஆகவும், எஸ்சி/எஸ்டி உள்ளிட்ட பிரிவினருக்கு ரூ.100 ஆகவும் நிர்ணயிக்கப்பட்டுள்ளது.

7.விண்ணப்பிக்க கடைசி தேதி (Last Date)

ரிசர்வ் வங்கியில் இந்த கிரேடு B அதிகாரி பணியிடங்களுக்கு விண்ணப்பிக்க வரும் நவம்பர் 30-ம் தேதி கடைசி நாள் ஆகும். மேலும் தேர்வர்கள் விண்ணப்பிக்கும் முன் தேர்வு அறிவிப்பினை முழுமையாக படித்து உறுதி செய்து கொள்ள அறிவுறுத்தப்படுகிறது.