Robo Shankar Passes Away : நகைச்சுவை நடிகர் ரோபோ சங்கர் உடல்நலக்குறைவால் காலமானார்.. ரசிகர்கள் சோகம்

தொடர்ந்து திரைப்படங்களில் நடிக்க வாய்ப்புகள் பெற்றுவந்த நடிகர் ரோபோ சங்கர், திடீரென உடல்நலக்குறைவு ஏற்பட்டு உடல்மெலிந்து போனார். அதற்கு என்னுடைய சில கெட்டபழக்கங்கள் காரணம் என்று அவரே தெரிவித்தார். மேலும் அவர் தொடர்ந்து மஞ்சள் காமாலை மற்றும் நீர்சத்து குறைபாடு காரணமாக சிகிச்சையில் இருந்துவந்தார். தொடர்ந்து காவல் துறை சார்பில் நடைபெற்ற போதை விழிப்புணர்வு நிகழ்ச்சியில் பேசியே ரோபோ சங்கர் ‘நான் உடல்நலத்தால் பாதிக்கப்பட்டேன். அதற்கு காரணம் என்னிடமிருந்த சில கெட்ட பழக்கம். இதனால் நான் உங்களுக்கு உதாரணமாக உள்ளேன்’ என்று பேசியிருந்தார். பின்னர் தன்னுடைய உடல்நலன்மீது கவனம் செலுத்திய ரோபோ சங்கர், கொஞ்சம் கொஞ்சமா அந்த பாதிப்பிலிருந்து, மீண்டுவந்து மீண்டும் திரைப்படங்களில் நடித்துவந்தார்.

இந்நிலையில் சென்னையில் படப்பிடிப்பில் ஈடுபட்ட ரோபோ சங்கர் திடீரென மயங்கி விழுந்தததால் உடனடியாக தனியார் மருத்துவமனைக்கு அழைத்து செல்லப்பட்டார். அங்கு அவரை பரிசோதித்த மருத்துவர்கள் குறைந்த இரத்த அழுத்தத்திற்கு தொடர்ந்து சிகிச்சையில் இருந்த 46 வயதான நடிகர் ரோபோ சங்கர் சிகிச்சை (Robo Shankar Passes Away) பலனளிக்காமல் உயிரிழந்தார். ரோபோ சங்கரின் மறைவு செய்தி அறிந்து நடிகர்கள், அவரின் ரசிகர்கள் மத்தியில் அதிர்ச்சியையும் சோகத்தையும் ஏற்படுத்தி உள்ளது. அவரது மறைவுக்கு நடிகர்கள், ரசிகர்கள், அரசியல் தலைவர்கள் இரங்கல் தெரிவித்து வருகிறார்கள்.