Rs100 Karunanidhi's Portrait Coin Launch : மு.கருணாநிதியின் உருவம் பொறித்த ரூ.100 நாணய வெளியீட்டு விழா

நாணய வெளியீட்டு விழாவிற்கு அமைச்சர் ராஜ்நாத் சிங்கை அனுப்பி வைத்த பிரதமர் மோடிக்கு தனது நன்றியை தெரிவித்து பேசத் தொடங்கிய முதலமைச்சர் மு.க.ஸ்டாலின், “கலைஞர் நினைவு நாணயத்தில் தமிழ் வெல்லும் என்ற சொல் இடம்பெற்றுள்ளது கலைஞரின் சாதனை ஆகும். கலைஞர்  கருணாநிதியின் நூற்றாண்டு விழாவை கடந்த ஓராண்டு காலமாக அரசு சார்பிலும், கட்சியின் சார்பிலும் மற்றும் தனிப்பட்ட முறையிலும் கொண்டாடிக் கொண்டிருக்கிறோம். இந்த விழாவை தமிழ்நாட்டில் மட்டுமல்லாமல், இந்தியாவில் இருக்கக்கூடிய பல்வேறு மாநிலங்களிலும் மற்றும் வெளிநாடுகளிலும் தொடர்ந்து கொண்டாடிக் கொண்டு வருகிறோம். இப்படிப்பட்ட விழா இந்தியாவில் எந்தத் தலைவருக்கும் நடந்தது கிடையாது. கிண்டியில் உயர்சிறப்பு மருத்துவமனை, மதுரையில் பிரம்மாண்டமான நூலகம், கிளாம்பாக்கத்தில் அனைத்து வசதிகளும் கொண்ட பேருந்து முனையம் போன்ற எத்தனையோ பயனுள்ள அமைப்புகளை கருணாநிதியின் பெயரால் ஏற்படுத்தியிருக்கிறோம். கலைஞர் பெயரில் 1 கோடியே 15 லட்சம் மகளிர் மாதந்தோறும் ஆயிரம் ரூபாய் பெறக்கூடிய அளவிற்கு கலைஞர் மகளிர் உரிமைத் தொகைத் திட்டம் அமைந்திருக்கிறது” என்று உரையாற்றினார்.