Sales Of Luxury Homes In Chennai : சென்னையில் சொகுசு வீடுகள் விற்பனை கணிசமாக அதிகரித்துள்ளது

சென்னையில் ரூ.3 கோடிக்கும் அதிகமான சொகுசு வீடுகளின் (Sales Of Luxury Homes In Chennai) விற்பனை கணிசமாக அதிகரித்துள்ளது. அதேசமயத்தில் குறைந்த விலை மற்றும் நடுத்தர விலையில் உள்ள வீடுகளின் தேவை கணிசமாக சரிந்துள்ளது. சென்னை மட்டுமல்லாமல், தலைநகர் டெல்லி, மும்பை, கொல்கத்தா, பெங்களூர், ஹைதராபாத் போன்ற இந்தியாவின் முதல் தர நகரங்களில் விலை உயர்ந்த ஆடம்பர வீடுகளையே மக்கள் விரும்புகிறார்கள் என புள்ளி விவரங்கள் தெரிவிக்கின்றன.

இந்தியாவில் 10 முதல் 15 வருடங்களுக்கு முன்பு சிறிய வீடுகள், நடுத்தர பட்ஜெட் வீடுகள் அதிகமாக விற்பனையாகும். அதை வாங்குவதற்கு மக்கள் போட்டி போடுவார்கள், காரணம் அப்போது யாருக்கும் உறுதியான வேலை இல்லை. மேலும் அரசு ஊழியர்கள் எண்ணிக்கையும் 1 சதவீதம் என்ற அளவிற்கு கூட இருக்காது. அவர்களில் அதிக சம்பளம் வாங்குவோரும் குறைவு. ஆனால் இப்போது அப்படி இல்லை, இதனால் நடுத்தர மற்றும் குறைந்த விலை வீடுகள் விற்பனையானது கணிசமாக குறைந்து வருகிறது.