Ra-Next Real Estate : ரியல் எஸ்டேட் டிஜிட்டல் கட்டமைப்பு தர முகமையாக ராநெக்ஸ்ட்.. அங்கீகாரம் வழங்கியது டிராய்
Weight Loss Tips in Tamil : இயற்கை முறையில் உடல் எடையை குறைக்கும் 10 எளிய வழிகள்?
Reduce Body Heat Foods : இயற்கை முறையில் உடல் சூட்டை குறைக்கும் 10 சிறந்த உணவுகள்..!

Sanju Samson Penalised: சஞ்சு சாம்சனுக்கு அபராதம் விதித்த பிசிசிஐ.. RR தோல்விக்கு இதுதான் காரணமா?

குஜராத் டைட்டன்ஸ் அணிக்கு எதிரான போட்டியில் ராஜஸ்தான் ராயல்ஸ் அணியின் கேப்டன் சஞ்சு சாம்சனுக்கு பிசிசிஐ ரூ.12 லட்சம் அபராதம் விதித்துள்ளது. ஐபிஎல் 2024 லீக் சுற்றில் குஜராத் டைட்டன்ஸ் vs ராஜஸ்தான் ராயல்ஸ் போட்டி ஜெய்ப்பூரில் நடைபெற்றது. இந்தப் போட்டியில் முதலில் பேட் செய்த ராஜஸ்தான் ராயல்ஸ் அணி 20 ஓவரில் 3 விக்கெட் இழப்புக்கு 196 ரன்கள் எடுத்தது.

அந்த அணியில் சஞ்சு சாம்சன் 38 பந்துகளில் 68 ரன்கள் எடுத்தார். அடுத்து ரியான் பராக் 48 பந்துகளில் 76 ரன்கள் எடுத்தார். அதன் பின் குஜராத் டைட்டன்ஸ் அணி சேஸ் செய்தது. 197 ரன்கள் இலக்கை குஜராத் அணியால் துரத்த முடியாது என பலரும் நினைத்தனர்.

17 ஓவர்களில் அந்த அணி 5 விக்கெட் இழப்புக்கு 155 ரன்கள் எடுத்தது. கடைசி 3 ஓவரில் 42 ரன்கள் எடுத்தால் போதும் என்ற நிலையில் குஜராத் அணி இருந்தது. அப்போது ராகுல் திவேட்டியாவும், ரஷித் கானும் களத்தில் இறங்கினர்.

Sanju Samson Penalised:

இருவரும் 19வது ஓவரில் 20 ரன்களும், கடைசி ஓவரில் 17 ரன்களும் சேர்த்து குஜராத் அணியின் வெற்றிக்கு உதவினார்கள். ராஜஸ்தான் கேப்டன் சஞ்சு சாம்சன் ஃபீல்டிங்கை நிறுத்தி பந்துவீச்சாளர்களுடன் ஆலோசனை நடத்த கூடுதல் நேரம் எடுத்துக் கொண்டார்.

இதனால், அந்த அணியால் நிர்ணயிக்கப்பட்ட நேரத்திற்குள் முதல் 19 ஓவர்களை வீச முடியவில்லை. இதற்குப் பிறகு, விதிகளின்படி கடைசி ஓவரை வீசுவதற்கு முன்பு கூடுதல் பீல்டரை உலகக் கோப்பை வட்டத்திற்குள் நிற்குமாறு நடுவர் கூறினார். இதனால் எல்லையில் ராஜஸ்தான் அணிக்கு ஒரு பீல்டர் பற்றாக்குறை ஏற்பட்டது. கடைசி ஓவரில் மூன்று பவுண்டரி அடித்து குஜராத் அணி வெற்றி பெற்ற போது ஓவர்களை தாமதமாக வீசியதுதான் காரணம்.

இந்த தவறால் ஆட்டம் இழந்ததற்கு மேலும் அடியாக ராஜஸ்தான் ராயல்ஸ் கேப்டன் சஞ்சு சாம்சனுக்கு பிசிசிஐ ரூ.12 லட்சம் அபராதம் விதித்துள்ளது. ஐபிஎல் விதிகளின்படி, நிர்ணயிக்கப்பட்ட நேரத்திற்குள் பந்து வீசாத அணியின் கேப்டனுக்கு அபராதம் விதிக்கப்படும். அந்த வகையில் சஞ்சு சாம்சன் தண்டனை பெற்றுள்ளார்.

மும்பை :

ஆகாஷ் அம்பானியுடன் ரோஹித் சர்மா காரில் செல்லும் வீடியோ வெளியாகி பரபரப்பை ஏற்படுத்தியுள்ளது. மும்பை இந்தியன்ஸ் அணியின் உரிமையாளர் ஆகாஷ் அம்பானி, முன்னாள் கேப்டன் ரோகித் சர்மாவுடன் ஒரே காரில் சென்றது ஏன்? என பலரும் பல்வேறு கேள்விகளை எழுப்பி பல்வேறு யூகங்களை வெளியிட்டு வருகின்றனர்.

ரோஹித் சர்மா :

2024 ஐபிஎல் தொடருக்கு முன்னதாக மும்பை இந்தியன்ஸ் அணியின் கேப்டன் பதவி ரோஹித் சர்மாவிடம் இருந்து பறிக்கப்பட்டு ஹர்திக் பாண்டியாவிடம் ஒப்படைக்கப்பட்டது. ஹர்திக் பாண்டியா மற்றும் மும்பை இந்தியன்ஸ் நிர்வாகம் மீது ரோஹித் சர்மா அதிருப்தியில் இருப்பதாக பரவலாக பேசப்பட்டது.

இந்நிலையில், தற்போது நடைபெற்று வரும் ஐபிஎல் லீக்கில் மும்பை இந்தியன்ஸ் அணியில் ரோகித் சர்மா பேட்ஸ்மேனாக உள்ளார். 2025 ஐபிஎல் தொடரில் அவர் கண்டிப்பாக அணி மாறுவார் என்று செய்திகள் பறக்கின்றன. சமீபத்தில் கூட, லக்னோ சூப்பர்ஜெயண்ட்ஸ் பயிற்சியாளர் ஜஸ்டின் லாங்கர் ரோஹித் சர்மாவை தங்கள் அணியில் கொண்டு வருவது பற்றி பேசிக் கொண்டிருந்தார்.

இதேபோல், டெல்லி கேபிடல்ஸ் அணியின் ஆலோசகர் சவுரவ் கங்குலியும் 2025 ஐபிஎல் ஏலத்திற்கு முன்னதாக ரோஹித் ஷர்மாவை தங்கள் அணியில் சேர்க்க முயற்சிகள் மேற்கொண்டு வருவதாக கூறப்படுகிறது. ஆனால் 2024 ஐபிஎல் தொடருக்கு பிறகு அணி மாறலாமா? தெளிவாக தெரியவில்லை. 2025 ஐபிஎல் தொடருக்கு முன் மெகா ஏலம் நடக்கவுள்ளதால், அனைத்து அணிகளும் நான்கு வீரர்களை மட்டும் தக்கவைத்து, மீதமுள்ள வீரர்களை ஏலத்திலேயே தேர்வு செய்ய வேண்டும்.

இதனிடையே ரோஹித் சர்மாவை வேறு அணிக்கு அனுப்ப மும்பை இந்தியன்ஸ் விரும்பவில்லை என்று கூறப்படுகிறது. ஆகாஷ் அம்பானியை சமாதானம் செய்வதற்காகவே அவருடன் ஒரே காரில் பயணிக்கலாம் என்று கூறப்படுகிறது. ஆனால் ரோஹித் சர்மா ரசிகர்கள் ஒரு படி மேலே சென்று 2024 ஐபிஎல் தொடரின் பிற்பகுதியில் மீண்டும் ரோஹித் சர்மா அணி கேப்டனாக நியமிக்கப்பட வாய்ப்பு இருப்பதாக கூறி வருகின்றனர்.