Shanmuga Pandiyan's New Movie : விஜயகாந்த் மகன் சண்முக பாண்டியனின் புதிய படத்தின் பூஜை

கேப்டன், புரட்சிக் கலைஞர் என்று ரசிகர்களால் அழைக்கப்பட்டவர் விஜயகாந்த். மதுரையில் பணக்கார குடும்பத்தில் பிறந்தாலும் சினிமா மோகத்தால் சென்னைக்கு வந்து இங்கு பல இன்னல்களை சந்தித்தார். எப்படியோ பட வாய்ப்பு கிடைத்து ஜொலிக்க ஆரம்பித்தார். ரஜினிகாந்த், கமல்ஹாசன் உள்ளிட்டோர் உச்சத்தில் இருந்தபோது தனக்கென ஒரு கோட்டையை உருவாக்கி அதற்கு ரசிகர் கூட்டத்தை சேர்த்துக் கொண்டார். கிராமத்துக்காரன் போல் நடித்ததால் ரசிகர்கள் அவரை தங்களில் ஒருவராக ஏற்றுக்கொண்டனர். வில்லனாக அறிமுகமானாலும் தொடர்ந்து ஹீரோவாக நடித்து சாதித்தார்.

ஒரே வருடத்தில் 5 படங்களுக்கு மேல் நடித்து மிகவும் பிஸியாக இருந்தார். ரஜினிகாந்த், கமலின் 100வது படம் சரியாகப் போகவில்லை. ஆனால் விஜயகாந்த் நடித்த கேப்டன் பிரபாகரன் பட்டித்தொட்டியெங்கும் ஹிட் அடித்தது. அதேபோல் திரைப்படக் கல்லூரியில் இருந்து இயக்குநராக வேண்டும் என்ற கனவோடு வெளியே வந்த பலருக்கும் முதல் பட வாய்ப்பை வழங்கியவர் விஜயகாந்த். அதுமட்டுமின்றி பல இயக்குநர்கள் விஜயகாந்தை வைத்து முதல் படத்தை இயக்கினார்கள். புதுமுகங்கள் மீது அவருக்கு அவ்வளவு நம்பிக்கை. மேலும் சினிமாவில் இருப்பவர்களுக்கு எந்த ஒரு கஷ்டமும் வரக்கூடாது என்பதற்காக அவர் தனது அலுவலகத்தில் தொடர்ந்து உணவு வழங்கி வந்தார் என்பது குறிப்பிடத்தக்கது. இந்நிலையில் அரசியலில் இறங்கி தமிழக எதிர்க்கட்சித் தலைவரானார். ஆனால் அரசியல் அரங்கில் அவர் சந்தித்த சில துரோகங்கள் அவரை வளைத்தன. இதனால் அவருக்கு உடல்நலக்குறைவு ஏற்பட்டது. தொடர்ந்து சிகிச்சை பெற்று வந்த அவர் கடந்த ஆண்டு உயிரிழந்தார்.