SK in Ayalaan Teaser: அயலான் படத்தின் டீசர் வெளியீடு

Ayalaan Teaser: நடிகர் சிவகார்த்திகேயன் நடிப்பில் இயக்குனர் ரவிக்குமாரின் நடிப்பில் உருவாகியுள்ள ‘அயலான்’ படத்தின் டீசர் தற்போது வெளியாகியுள்ளது.

ஆர்.ரவிக்குமார் இயக்கத்தில் சிவகார்த்திகேயன் நடித்துள்ள திரைப்படம் “அயலான்” ஆகும். கடந்த 2018 ஆம் ஆண்டு தொடங்கப்பட்ட இப்படத்தை கேஜேஆர் ஸ்டுடியோஸ் மற்றும் 24 ஏஎம் ஸ்டுடியோஸ் நிறுவனங்கள் இணைந்து இப்படத்தை தயாரித்துள்ளது. இசைமைப்பாளர் ஏ.ஆர்.ரகுமான் இப்படத்திற்கு இசைமைத்துள்ளார். இப்படத்தில் ரகுல் ப்ரீத் சிங், பானுப்ரியா, யோகி பாபு, கருணாகரன், பால சரவணன், ஷரத் கேல்கர், இஷா கோப்பிகர் ஆகியோர் நடித்துள்ளனர். படத்தின் கிராபிக்ஸ் பணிகள் தாமதமாகி வருவதால் படம் வெளியாவதில் தாமதம் ஏற்பட்டுள்ளது. இந்தியத் திரையுலகில் 4500க்கும் மேற்பட்ட VFX காட்சிகளைக் கொண்ட முதல் முழுநீளப் படம் என்பதால், படத்தின் கிராபிக்ஸ் பணிகள் இழுபறியாகவே தொடர்ந்து வந்தது. இப்படம் அடுத்த ஆண்டு பொங்கல் பண்டிகைக்கு வெளியாகும் என படக்குழு சமீபத்தில் அறிவித்தது.

இந்நிலையில் ‘அயலான்’ படத்தின் டீசரை அக்டோபர் 6ம் தேதி வெளியிட படக்குழு திட்டமிட்டிருந்தது. அதற்கான பணிகள் தற்போது நடைபெற்று வருவதாக இயக்குனர் ரவிக்குமார் தனது ட்விட்டர் பக்கத்தில் தெரிவித்திருந்தார். அதன்படி படத்தின் டீசர் தற்போது வெளியாகியுள்ளது.