Sorgavaasal Teaser : சொர்க்கவாசல் திரைப்படத்தின் டீசர் வெளியீடு

ஆர்ஜே பாலாஜி நடிப்பில் கடைசியாக வெளியான படம் சிங்கப்பூர் சலூன். இப்படத்திற்கு பிறகு தற்போது அவர் நடித்து வரும் படம் சொர்க்கவாசல். இந்த படத்தை அறிமுக இயக்குநர் சித்தார்த் விஸ்வநாதன் இயக்கியுள்ளார். செல்வராகவன், பாலாஜி சக்திவேல், கருணாஸ், நட்டி, சானியா ஐயப்பன், அந்தோனி தாஸ் மற்றும் பலர் நடித்துள்ளனர். கிறிஸ்டோ சேவியர் படத்திற்கு இசையமைத்துள்ளார். எழுத்தாளர் தமிழ் பிரபா, சித்தார்த் விஸ்வநாத், அஸ்வின் ரவிச்சந்திரன் ஆகிய மூவரும் இப்படத்திற்கு திரைக்கதை எழுதியுள்ளனர். இந்நிலையே (Sorgavaasal Teaser) சொர்க்கவாசல் திரைப்படத்தின் டீசர் வெளியாகி ரசிகர்களிடம் நல்ல வரவேற்பை பெற்று வருகிறது.

இதற்கு முன், ஆர்.ஜே.பாலாஜியின் படங்களில் பெரும்பாலும் நகைச்சுவைக் கதைகள் இருந்தன. ரன் பேபி ரன் திரைப்படம் மட்டும் கொஞ்சம் வித்தியாசமாக த்ரில்லர் ஜானரில் அமைந்தது. இப்படம் ரசிகர்களிடம் கலவையான விமர்சனங்களைப் பெற்றது. அதேபோலவே சொர்க்கவாசல் திரைப்படமும் ஆர்.ஜே.பாலாஜி இதுவரை நடிக்காத கதைக்களமாக அமைந்துள்ளது. முழுக்க முழுக்க சிறையில் நடக்கும் இப்படம் ரத்தம் சிந்தும் கேங்ஸ்டர் டிராமாவாக மாறுவதை இந்த டீசரில் பார்க்க முடிகிறது. இப்படத்தில் பாலாஜி சக்திவேல், செல்வராகவன், கருணாஸ் உள்ளிட்ட பெரிய நடிகர்கள் வித்தியாசமான வேடங்களில் நடித்திருப்பது குறிப்பிடத்தக்கது.